صمم حظيرتك بنفسك

اغنام - ابل - دواجن - طيور

السلام عليكم ورحمة الله وبركاته

اخواني اليوم اعرض عليكم كيفية تصميم الحظائر سواء كانت للدجاج او للحمام والطريقه تبغى له جهد منك في ايام زمان يوم كنت طالب بالثانويه قررت اني اربي عدد من الدجاج فحصلت اسعار الحضاير غاليه شوي وماكان معي مبلغ كبير كان كل اللي معي حوالي 1000ريال وناوي اشتري لي فيهم كم دجاجه ونص المبلغ ناوي اشتري فيه اعلاف تكفيهم مدة طويله على بال ماكون حصلت مبلغ فاهمين كيف يعني ذيك الايام كان صعب الحصول على المال فكنت احلم ان يكون عندي دجاج والحظيره كانت من اكبر المشاكل اللي اوجها المهم ماطول عليكم رحت لاصدقائي وقلتلهم الموضوع وكنا حنا اربعه فقال واحد حنا نقدر نصمم فقلت كيف فقالنا امشوا معي ركبنا معه بسيارته طلعنا بمكان خلف الصناعيه كانوا المحلات يرمو الاخشاب هناك فجمعنا خشب لين ملينا السياره ورحنا ونزلناه عند الغنم حقتت ابوي وبدينا نحفر على شكل مربع اربع حفر طولها تحت تقريبا 50 سنتيمتر بعد ماحفرنا لاحظنا ان المكان صغير وحفرنا حفر ثانيه المهم ركزنا 3 اعمده بالطول و4 اعمده بالعرض وكان ارتفاع كل عمود مايقارب متر ونص والمسافه بين العمود والعمود متر يعني الحين عندنا مكان طوله 3متر وعرضه 4متر الى الحين ماخلصنا بدينا نوصل بين كل عمود وعمود خشب والخشب تقريبا طوله متر وعرضه 10 سنتيمتر نوصله بالعرض ونخلي فتحه تقريبا 3سنتيمتر تحتها وبعدها ننزل تحت ونطق الخشبه الثانيه ونخلي 3 ستيمتر المهم ومع كل جهه كذا شغلنا لين خلصنا والباب كان في احد زوايا العشه جبنا شبك صغير وغطينا فتحت الباب وربطناه بالخشب والله تصميم ابدااااااع احسن من 100 شبك اتوقع لو ان الخشب هذا اللي صممناه لو انه شبك ماحصله باقل من2000 ريال المهم ان يكون لك نفس بانك تشتغل وربك ييسره لك وترا كل الشغل ماخذ معنا يوم واحد بدينا بالشغل الساعه 11 قبل الضهر وخلصنا مع المغرب