[ يـــــوم قـفّــوا فـــرحــــت ] ~

مرحبآ ..
مسآء جنوون الاحآسيس :eh_s(22): ~





غلطت غلطة معاهم بس ماني صغير
عطيتهم فوق حق الحب لين انجرحت


أبفقد الذاكره واعيش يومين يصير ؟
ياقلب بتعب ع مستقبلي لو سمحت !


فتحت كف السحابْ وقلت يالله نطير
طاردوا لكن ماخذوني ليتني مافتحت


المُجتهد اجتهد بس مانجح ف الأخير
مو شرط تنجح بسعيك هذا انا مانجحت


حاولت أخبي خطاهم واتنفس زفير
بس البلا يوم طاحت دمعتي وانفضحت


احباب كنت اعتبرهم غير والناس غير
وغياب راحوا بعيد وشلت قلبي ورحت


انا اكره الفقد واكره شيء اسمه ضمير
وصلت الى مرحلة لو اخذلوني دمحت


انا خسرت امنياتي بس ابرحل كبير
لكل نهاية بداية ليه اطالع لتحت


من كثر مااحبهم وابي لهم كل خَير
رغم عذاب المفارق يوم قفّوا فرحت !






لـ محمد المغيرفي