منو يساندني ويعني

السلام عليكم ورحمه الله وبركاته
شخباركم بنات
ماشاء الله هذي اول مره ادش بهالقسم
صراحه كلامكم وموازيعكم تشرح القلب


عندي طلب حيييييييييييييل مهم بالنسبه لي انا محتاجه مساعدتكم

بنات
انا حيل مقصره بصلاتي واذكاري وقرءاني وطاعتي كل شي
من يوم تزوجت واختربت علاقتي بديني وربي
قبل لا اتزوج ماكنت اترك صلاتي لا فرض ولا سنه وابدا مااترك صلاه الفجر لو بموت من التعب ولا اترك مصحفي وكنت احفظ القرءان والحمد لله حفظت
سوره البقره وال عمران والنساء ماشاء الله

بس من يوم تزوجت وكل شي تغير والله يابنات احس قلبي صار ميت مااسمعه يدق ابدا ومااحس ان فيه الروح


المشكله بنات
اني كل مااحط ريولي علي اول الطريق ما يطوف يومين الا وانا راده مثل اول
بقولكم يعني انا مقصره بالطاعات بس الحمد لله اخلاقي للحين ماتغيرت يعني للحين مااذم ومااطالع حرام الحمد لله ومنتقبه وعبايتي وسيعه ونقابي عدل الحمد لله
بس اخاف اخسر كل هذا ماابي اضيع اكثر من جذي


وعشان جذي
طالبه منكم المساعده ابي وحده منكم تعني وتساعدني لين اقف علي ريولي وماتتركني الا لما اتغير تغيير شامل

لاني فشلت ابجي وابجي وادعي وادعي والتزم اسبوع وارد مثل قبل


منو بتساعدني بنات
يعني ابي وحده تتواصل معي وتتبناني تتدرون اشلون وتكون قويه الايمان واسلوبها طيب سامحوني بس انا ابي وحده نفسها طويل ماتتركيني بنص الطريق
بنات
ربي العالم قد ايش انا ابي اتغير والتزم بس مو قادره اسيطر علي شيطاني مو قادره اكمل للاخر وللاسف حتي السور الي حافظتها الحين بدأت انسي منها كثير لازم اراجع واراجع مشان اتذكرهم

منو بتتكرم علي وبتساعدني ابي بس وحده تتابعني بالخاص وتسأل علي كل يوم وتذكرني بالصلاه والقرءان والاذكار
يعني تساعدني عالتوبه والالتزام

او بنات دلوني علي مكان او رقم اتصل فيه مثل الاوقاف او جذي ويكون فيه شيوخ حريم يساعدوني اي شي المهم الاقي حدا يساعدني بصلاتي وطاعتي


ودعواتكم لي خواتي الله لا يحرمني منكم

واسفه بنات عالاطاله سامحوني