الدوري اهلاوي ان شاء الله اهلاوي

بسم الله الرحمن الرحيم

اعذروني ما اوجيد المقدمات يعني ندخل بلموضوع على طول....

الحمدلله على التعادل مع الفتح في هاذا الوقت وباقي سبع جولات يعني كل شي موجود بليد ومراح شي ...

انا بتكلم على نفسي كمشجع اهلاوي ... قبل بداية الدوري كنت ادخل المنتدي شبة يومي اشوف ايش مكتوب من اراء وكان اغلب الجمهور يقول الاهلي راح يفعل ويفعل في الموسم هاذا وكنت اقول مافي شي مستحيل لاكن الظاهر الى كنت اشوفة اقول ياليت لو نحجز مقعد في دوري اسيا
بداء الدوري مع الانصار وفي المدينة وفزنا قلنا لاتفرحون جايكم النصر والحمدلله فزنا وجانا نجران وقالو لا نجران فريق عنيد والحمدلله فزنا واستمر الانتصار والكل كان يقول الاهلي راح ياخذ الدوري وصرت متفائل ومبسوط ومين قدنا وووووو الين جات نكست الهلال والكل قال راح الدوري طبعا انا مدخلت المنتدي يومين بصراحة مصدوم وطار من راسي ان الاهلي بطل الدوري
من بعدها الفريق صارلو شي غريب صار يجندل فيهم ولا يرحم الين تصدرنا ورتاحت عقول المجانين وبصراحة رجعتلي الثقة في الاهلي وصرت اتحلم ان الاهلي بطل الدوري لان مراح يسيبة
وهاذا الجمهور موجود وجانا الهلال وكلهم كانو يقولون راح ينزلكم من الصدارة جالست اضحك
عليهم اقول شكلهم ماتذكرو الجمهور وجاء اليوم الى من شفت المدرجات خضراء قلت ياويلهم من
من جمهور خط النار والحمدلله فزنا ومسكنا الصدارة وجات هزيمة الاتفاق في اخر الدقائق والجمهور يصفق مجانين مجانين ورجعنا ابطال قدام التعاون وجانا الفتح وثلاثة ياحبيبي على الصدارة فجئة صارت ثلاثة ثلاثة وكلن حاط يدة على راسة راح الدوري جلست مصدوم هذاك اليوم كلة واقول لية ولية ... جلست احسبها مع نفسي الدوري بيدنا مراح اغلب المباريات على ارضنا وخصمنا الشباب اخر شي بعد ستة جولات يعني فوز و فوز وفوز وفوز و فوز وفوز و بطولة
الحلم راح يتحقق الخسارة بتعادل جات بوقت حلو وكمان درس لنا ان نلعب الين اخر دقيقة الامل موجود .... هاذا وقتنا احنا ياجمهور تراها سبع جولات لازم نحضر ونساند ون شد من عزم الاعيبة
وان شاء الله نحتفل بدوري اخر جولة ولا تنسون ان التاريخ راح يقول الجمهور جاب الدوري بعد ثلاثين سنة ...... صدقوني بتكاتفنا راح نجيبة .....

اسف على الاطالة ....