شعر البوق نهاية كل معشوقه

الليله الكون ياصغره وياضوقه = في عيني الارض كن الرب حاشرها

ضاق الفضاء بي وصدري زادت فتوقه = ونجد الفضيه علي ضاقت معابرها

والقلب يطرق وزاد النبض بعروقه = والعين حلو الكرى ماهو بزايرها

والقاف عيا يساير صعب طاروقه = حتى المعاني عجز فكري يحضرها

الى قلت قول ٍ وجدت ان الحدث فوقه = يفوق حجم القوافي يوم اعبرها

من سبة اللي هوانا مررت ذوقه = غطت مليح القديم بشين حاضرها

الجادل اللي نوت في عهدنا البوقه = في نقض مابيننا جتني بشايرها

البوق اعرفه نهاية كل معشوقه = البيض بضد الوفا المعبود ماهرها

ذا طبعهن فيه متبوعه ومسبوقه = مار البلا يوم غلطتها تكررها

تمثيلها العام منه الكبد محروقه = واليوم نيرانها بالقلب تسعرها

ياحيف من منشي المشروع جا عوقه = خربت بيوت الموده من معمرها