علاج سريع وفعـــّأل لتسمم الحمــل + أكــل الشعر للغنم (بالصور)
اغنام - ابل - دواجن - طيور
الســـلام عليكم يا اخوان
فيه علاج كذا مره أشوفه متداول بالقسم الطبي لكــن ماشوف الشباب متداولينه بكثره ولا اعرف وش السبب صراحه
العلاج هو amenovit (أمينوفيت )
[IMG]http://im9.********************************************/2012-02-10/132882130711.jpg[/IMG]
لكل ثلاثين رأس يكفيها ملعقه وحده كما هي واضحه بالصوره موجوده بداخل العبوه نفسها
[IMG]http://im9.********************************************/2012-02-10/1328821933612.jpg[/IMG]
أنا اشتريه من صيدلية الخليج مقابل سوق الاعلاف جنوب الرياض بسعــر (75 ) ريال (يعطى للحلال لمدة عشرة ايام)
اخذته من شهرين او ثلاثه استعمله وحريص جداً في الدفيــع والحمد لله رب العالمين طيب جداً (كل شهر عشر ايام تعطى بمقدار ملعقه واحد من مقياس العلبه نفسها ) لثلاثين راس
والفايده فيه لأن موجود بالوحدات الدوليه (اكثر من 20 عنصر فيتامين تحتاجه الغنمات )
حديد , ماغنيسيوم - فيتامين ب - فيتامين أ وغيره والله كثير فيتامينات
اكثر من 22 فيتامين زي ماهو واضح بالصوره
[IMG]http://im9.********************************************/2012-02-10/1328821932631.jpg[/IMG]
جربته على حاله عندي ظهرت عنز دافع .. حاله ماهوب بالحيل .. كانت اعراضها بداية تسمم الحمل ( نقص كالسيوم )
اخذت من نفس العلاج مقدار غطاء علبة قارورة ماء صحه (أم نصف ريال ) ورجيته مع الماء
وعطيتها ثلاثة ايام متواصله (مره في اليوم بعد الاكل ) وكانت نتيجته طيبه ولله الحمد
وطابت لكن لايزال الوضع حساس من خوفي عليها (اعطيها كل اربع ايام مره ) وحالها عاجبني بالحيل اكثر من أول .
والحمد لله اكد هالعلاج فعاليته معي
العنز ولدت وجابت اثنين ويشهد الله انهم طيبين جداً الحمد لله
وانا كنت متوقع ان اللي فيها واحد وسبب اصابتها بتسمم الحمل هو ضعفها الشديد
حاله ثانيه ظهرت عندي (اكل الشعر لعنز دافع بالشهر الاخير ) لاحظته عليها والحمد لله رب العالمين لحقت عليها بنفس العلاج ونفس الطريقه وكررته كل اسبوع مره
وولدت وكانت صحتها عال العال جابت اثنين طيبين جداً
من الاستنتاج (هالعلاج طيب طيب طيب جداً ) وياريت الكل يستخدمه
وبيكون فايدته حتى اكثر لما بعد الولاده للحلال يستعيد مانقص له من فيتامينات اثناء ومابعد الولاده
ومابيعدي شهر ونصف ان شاء الله الا وهي جاهزه للحمل اللي بعده
ملاحظه
رحت للزراعه الله لايوقف من يحط لنا بياطره مصريين مادري من وين جايبينه
دخلت زي الشحاذ قلت ابغى نفس العلاج راح عطاني علاج (ناسي اسمه بس مافيه الا ثلاث عناصر فيتامين فقط ) واللي قهرني اكثر انه منتهي الصلاحيه بنفس الشهر اللي اخذته منه
فياريت اللي الاخوان اللي ياخذه من الزراعه يعلمنا من اي فرع والانتهاء اهم شي متى
وللعلم العلاج مسحووق يعطى للغنم مع الماء
أتمنى افدتكم بشيء
اخوكم / سالم القحطاني
