السلام عليكم
ندااااااااااااااااء إلى كل وحده تحب الخير للمسلمين ندااااااااااااااااء الى كل وحده
تخاف من الله نداااااااااء إلى كل وحده تبي تناصر الشعب السوري :eh_s(2):
طبعا كلكم تعرفون شاللي قاعد يصير بسوريا وكلكم شفتوا ارهاب النظام السوري
والجرايم البشعه اللي قاعد يرتكبها ضد اخوانا السوريين :eh_s(14):
طبعا كلكم شفتوا بالفتره الاخيره شلون صعّد النظام من هجماته الإرهابيه ضد المدنيين
العزل لذلك زاد عدد الشهداء وزاد القتل بسوريا وذلك لان روسيا والصين
عطت هالنظام المجرم رخصة للقتل بعد الفيتو الصيني الروسي
ولكن وين بيروح هالنظام من عقاب رب العالمين
قال تعالى: (من أجل ذلك كتبنا على بني إسرائيل أنه من قتل نفسا بغير نفس أو فسادٍ في الأرض فكأنما قتل الناس جميعاً) (المائدة: 32).
احنا دايما نقول ان الشعوب مابيدها الا الدعاء وانا الحين اقول لكم بالعكس الشعوب تقدر
تسوي اشياء وايد بعد الدعاء وهو مقاطعة المنتجات الروسيه والصينيه
يا اخواتي الغاليات ترى احنا محاسبين امام الله تعالى عن عدم نصرة اخوانا السوريين
تذكرون الدنمارك شسوت لما قاطعنا منتجاتهم تذكرون شلون اعتذروا للمسلمين
صدقوني إذا قاطعنا منتجاتهم فراح يخسرون وراح يندمون وراح تكون هذي وسيلة
ضغط ضدهم عشان ما يستعملون الفيتو مره ثانيه بمجلس الأمن ..
وإذا عندهم سلاح الفيتو احنا عندنا سلاح المقاطعة :rerrerek:
حراااااام يا بنات خلونا نحط نفسنا بمكان هالناس اللي قاعدين يموتون اهلهم جدام
عيونهم يوميا حرااااااااااااااااااااام علينا قاعدين نتفرج عليهم بدون ادنى مساعده لهم :eh_s(2):
لاتنسون خواتي ان نصرة المسلم للمسلم واجبه احنا شسوينا لاخوانا السوريين
لحد الحين ؟ ولا شي طبعااا
خواتي فكروا بالأجر اللي راح تكسبونه لما تقاطعون منتجات هالدولتين اكو ناس راح
تقول ما نقدر عالأقل خل نقاطعهم فترة وانا متاكده انهم بيغيرون موقفهم بإذن الله خلونا
نسوي حملات يابنات لمناصرة اخوانا السوريين بالفيس بوك وبالمنتديات وبكل مكاااان
قولوا لا للمنتجات الصينية والروسيه انا عن نفسي مقاطعتهم من بعد الفيتو وراح ابطل
اشتري منتجاتهم باذن الله الا بعد ما يغيرون موقفهم من النظام القمعي
الإرهاااااااابي :eh_s(14):
نبي نسوي حملات كبيره باذن الله يابنات ونبي نسوي تواقيع حق حملات المقاطعه
وننشرها بالنت واتمنى من الخوات اللي عندهم خبره بالفوتوشوب والتصميم يساعدونا
بهالموضوع لازم كل وحده فينا تشارك ولو بشغلة بسيطه لنصرة اخوانا السوريين كل
وحده حسب استطاعتها ولا تنسون ان الله سبحانه راح يجازيكم على هالشي إن
شالله لانكم ساهمتو في نصرة اخوانكم المسلمين المظلومين وكل وحده تشترك
معانا فراح يكون لها نصيب من الاجر باذن الله :rerrerek:
اتمنى نساعد اخوانا السوريين عن طريق الدعااااااااء اولا ثم المقاطعه ثم التبرع لهم
وترى يا بنات العلماء اصدروا فتوى بهالخصوص
علماء يحثون الجيش السوري على الانشقاق ويدعون لتأديب روسيا والصين
وهذا نص البيان اللي وقع عليه اكثر من 107 عالم من كبار علماء المسلمين
ورجاءا يابنات نبي تفاعل :eh_s(17):
