الأعراض إلي معاي عاديه او لا

حبايبي انا الحين حامل في الاسبوع العاشر ولله الحمد
بس من الاسبوع السابع وانا أعاني من بعض الاعراض إلي زاعجتني
وابي أعرف هل الاعراض هذي طبيعيه أو لا
1- كثرة التبول يعني أقوم من النوم مرتين ثلاث عشان أروح افضي المثانه والشي هذا مضايقني حييييل وهل روحة الحمام راح تخف أو تزيد مع الاسابيع ؟!
2- في الليل أحس بلوعه وأبي ارجع بس ماأقدر
3- إذا وقفت فتره طويله شوي احس بدوخه
4- وإذا جيت انام أنفي ينسد وأتنفس من فمي فما أرتاح بالنوم
5- في لليل أحس بأرق وما اشبع من النوم في النهار
6- من الاسبوع الثامن تقريبا قبل لا أنام أحس اني متضااايقه وما أرتاح إلى إذا بكيت
7- صداع فضييييع وما يتسلط علي إلا في الليل
8- أجوع بسررررعه وإذا جعت أكلت كل شي قدامي
9- الرغبه في الجماع زادت عندي عن أول مسكين زوجي تعبته معاي
10- ظهر يعورني وخاصة في لليل
منو عندها نفس أعراضي أو بعض منها ؟!
وأكثر شي مضايقني سالفة الحمام وأحاف مع الاسابيع تزيد
تصدقون حبايبي ألحين حسيت بأمي الله لايحرمني منها الوحده ماتصير ام بالساهل