لا تسلهم في عيونك تراك انته تمون .. سلهمت عينك بقلبي تزيد اطعونها / صلاح البصمان

السلام عليكم ورحمة الله وبركاته


أه وا ويلاه من شوف مدعوج العيون .. كل ما ناظرت قلت البلا بعيونها

لا تسلهم في عيونك تراك انته تمون .. سلهمت عينك بقلبي تزيد اطعونها

يا علاج العين والقلب والخافي يهون .. شوفتك تسوى فلوس العرب واديونها

انت عند القلب ربعت في كل الرركون .. كل ديره جوف قلبي سكنت اركونها

يا حلاتك يوم تمشي على دربك بهون .. نرجسيه مشيتك ما عرفنا لونها

فيك من وصف المها يا وليفي كم لون .. ما نبا نذكر وصوفن عظيمن شونها

لو يشوفك قاضي المحكمه فك السجون .. سرح السجان واطلق معه مسجونها

ولو يشوفك شاعر الملعبه جر اللحون .. واردف البيتين متخالفات اوزونها

لا تلوم القلب لا صابه الليله جنون .. ولا تلوم ان كان ليله حضر مجنونها




وسلامتكم


الشاعر/صلاح البصمان