ابي احمل !!

السلام عليكم .. شلونكم بنات ؟!

انا صارلي سنتين متزوجه و اول شهرين من زواجي حملت شهر و طاح و عقب 3 شهرين حملت و الحمدلله يبت ولد و الحين عمره 11 شهر ....

يتني الدوره تاريخ 2-1-2012 و عقب هالدوره حملت و بتاريخ 16-2-2012 قمت من النوم ولا نازل علي دم خفت و خترعت و على طول تذكرت اني من دريت اني حامل و انا كل يوم طلعات و ييات و لويه و ماكو راحه...

دقيت على سكرتيرة خالده المجيبل و قتلها قالتلي تعالي .. رحت و سوتلي سونار و قالتلي ما يبين شي لانج 5 اسابيع توج سوي التحليل الهرموني و عيديه بعد 48 ساعه سويته و كان يوم الاثنين الي طاف و طلعت نسبة الحمل ظعيفه و عدته اليوم و طلعت النتيجه ان خلاص ماكو حمل :(

قالتلي ان خلاص تعتبر دورتج مالت هالشهر و راح ينزل كل شي مع الدوره ...
و عطتني موعد بعد 10 ايام ...

بنات انشالله الله يعوضني و خيره اكيد...
عندي جم سؤال بليز :)

1- انا ودي احمل هالشهر يعني على طول و الموعد الي عطتني اياه تكون خالصه دورتي شلون؟؟
2- لمه اروح شنو الاسئله الي اسالها الدكتوره ((المهمه))
3- الي مرت عليها حالات نفس حالتي او اهيه مرت بهالشي تقولنا تجربتها عشان نستفيد

و سلامتكم