اللي عندها اكثر من طفل تقولي شلون مرتبه حياتها

السلام عليكم
خواتي عندي بنت عمرها سنه ونص وتوني والده ببنت عمرها اسبووع والحين انا نفاس بس احس حدي مخترعه وخايفه شلون برتب حياتي،،، يعني اذا بروح الصالون والا الجمعيه والا بطلع مع ريلي بروحنا نتعشى مثلا وين اوديهم!!!! انا ساكنه مع خالتي وعندي خدامه وحده واشتغل وزوجي يداوم واحنا متعودين نروح سينما ونتعشى ونتمشى وماابي اغير حياتي وادري عندي التزام الحين ببناتي ووالله مو قصدي ابي اقطهم عند احد او ابي اهملهم بالعكس لان ي ماابي اخليهم ومتعلقه فيهم احس اني ماابي اروح مكان وبجابلهم 24 ساعه بس هم زوجي له حق اجابله ونفسي بعد لازم اهتم بنفسي واروح الصالون
ماادري بنات احس متلخبطه ماادري شلون ارتب حياتي وعلى فكره اهلي موجودين وامي موجوده وبيت اهلي قريب من بيتنا
اللي ابي اعرفه اذا بطلع مع ريلي اخذ بناتي معاي بكل طلعه واهما صغار؟؟؟انزين اذا بروح الصالون مااقدر اخذهم ولااقدر اخليهم ثنتينهم عند الخدامه قلبي مايطاوعني
يوم كانت عندي بنت وحده كنت لما اداوم او اطلع احط بنتي وخدامتي عند امي لان مااحب بنتي تقعد بروحها بالبيت مع الخدامه مااامن والخدامه اهيا اللي تبدلها وتوكلها بس تكون جدام عين امي ويمكن تستغربون ليش مااخليها عند خالتي لان خالتي مره كبيره ومريضه وكله منسدحه بدارها ومافيها شده تجابل او تراقب الخدامه
بعرف كل وحده عندها اكثر من ياهل شتسوي اذا بتطلع سواءا للشغل او لغيره وين تودي عيالها
العيال مسئوليه وماابي اكون من الامهات اللي تييب وتقطهم على الخدامه وماتدري عنهم
ودي اجابلهم وبنفس الوقت اداوم وارتاح بدون مااهملهم