عنايتي الفروتيه الفراوليه العجيبه بالصور دلع ونظافه
السلام عليكم ورحمة الله وبركاته
انا وحده اموت بشي اسمه فراوله واللون الوردي حبيب قلبي :p . في طريقة للشاور صارلي مده اتبعها والصراحه نتايجها روعه روعه روعه . امبيه بنات تخلي ريحتج خنيينه اتجنن ومستحيل زوجج ما يعلق اذا شمها :rerrerek: . انا من قمت اسويها زوجي يتلزق فيني بشكل مو طبيعي .
اول شي قبل ما اخذ الشور احط الخلطه العجيبه لشعري وعلشان اخلي جسمي زبده واوخر السواد اخلط هالمكونات ( زبدة شيا - زيت جنين القمح - زيت زيتون - جلسرين - زيت الليمون - زيت اللوز ) ادهن جسمي كامل لي رقبتي واقعد بالخلطتين لمدة ساعتين . واخذ قفشة عسل واخلطها مع زبادي واحطه ماسك لوجهي لمدة 15 دقيقة.
نجي الحين للشاور ..
اغسل جسمي من الخلطه بماي فاتر ودير بالكم من الماي الحار يسبب تمدد وترهل لجسمج انتي في غنى عنه . علشان اوخر الخلطه كلها عن جسمي استخدم صابونة دوف لان فيها ترطيب وما تجفف البشره وهذا النوع الل استخدمه :
[IMG]http://im21.********************************************/2012-02-08/1328699049491.jpg[/IMG]
عقب ما اتاكد ان مافي بقايا خلطه بجسمي ابدي الخطوه الثانيه وطبعا مو ضروري تسوونها واهي الحلاقه بالموس اذا في شعر زايد . انا ماخذه جلسات ليزر فما استعمل شيره . واستخدم موس جيليت فينوس سبا بريز :
[IMG]http://im16.********************************************/2012-02-08/1328699757251.jpg[/IMG]
وجل حلاقه فراوله عجيب
[IMG]http://im12.********************************************/2012-02-08/1328698722251.jpg[/IMG]
بعدين الخطوه اللي ابدا ابدا ما استغني عنها وريحتها تلزق حيل بجسمي وتعطيني نعومة البيبي . اخلط هالسنفرتين مع بعض :
[IMG]http://im12.********************************************/2012-02-08/1328698722872.jpg[/IMG]
[IMG]http://im12.********************************************/2012-02-08/1328698722853.png[/IMG]
ريحتهم خيال !!!! احط السنفره وافرك جسمي بشويش مو دفاشه علشان ما يتهيج الجلد . اخليها لمدة من 3 لي 5 دقايق بعدين اغسلها واستخدم شاور جل بودي شوب او باث اند بودي ووركس :
[IMG]http://im17.********************************************/2012-02-08/1328700370601.jpg[/IMG]
[IMG]http://im12.********************************************/2012-02-08/1328698722479.jpg[/IMG]
اخلي الشور جل دقايق وبعدها اغسله واحط بيبي اويل . وانا افضل هالنوع لان ريحته مو طبيعيه واذا الشور حزة قبل النوم يخليج خدرانه ودج تنامين هههه فلا تستخدمينه اذا في بالج تطلعين وهذي صورته :
[IMG]http://im12.********************************************/2012-02-08/1328698722685.jpg[/IMG]
ولشعري استخدم هالشامبو الفضيع مع الكوندشنر ماله ريحته فراوله بالحليب واااو :
[IMG]http://im12.********************************************/2012-02-08/1328698722464.jpg[/IMG]
جذي نكون خلصنا الشور ونبدي بعناية ما بعد الشور واللي تثبت الريحه اكثر . ما احب انشف جسمي بالمره احب اخليه رطب شوي واستخدم نوعين لوشن اللي هم بودي شوب وجونسون وارطب كل جسمي وبنات لا تنسون تركزون على الركب والكوع وقاعة الرجل :
[IMG]http://im12.********************************************/2012-02-08/1328698722696.jpg[/IMG]
[IMG]http://im12.********************************************/2012-02-08/1328698722827.jpg[/IMG]
وبعدين شوية بودرة جونسون :
[IMG]http://im12.********************************************/2012-02-08/13286987224910.jpg[/IMG]
بالنسبه للعطور ما احب احطها على كل جسمي واكتفي احطها بأماكن النبض بالجسم لان هاذي الطريقه الصحيحه وتعطي ريحه هاديه وجذابه مو مثل البعض الله يهديهم يتسبحون بالعطر . ترا هالطريقه وخصوصا للمتزوجات ما يحبها الرجال لانها تصك الراس . سوي طريقتي وادعيلي وانا استخدم عطر جونسون الوردي او سبراي الفراوله :
[IMG]http://im21.********************************************/2012-02-08/1328699049202.jpg[/IMG]
[IMG]http://im21.********************************************/2012-02-08/1328699049523.jpg[/IMG]
بالنسبه للديودرنت انا استخدم ماركة فيتشي العجيييييبه بس اذا ابي ريحة فراوله احط فوق فيتشي شويه من هالديودرنت :
[IMG]http://im12.********************************************/2012-02-08/1328698722198.jpg[/IMG]
بنات للحين ما خلصت الرجاء عدم الرد الا لمن اخلص :eh_s(4):
