الجروح ومحاولة السرقه جزاكم الله خير فسرولي حلمي

السلام عليكم ورحمة الله وبركاته

انا بنت عزباء في اواخر العشرينات ملتزمه دينيا نوعا ما ( اجتهد )

حلمت قبل صلاة الفجر اني رايحه مع اختي في سوبرماركت وكنت ابي اشتري غرضين الاول كان دهن شعر اتذكر انه دابر املا وكان سائل وفي قوطي واني فتحته وحطيت منه على راسي والسوبرماركت بالسعوديه والغرض الثاني ماتذكره

رحت عند المحاسب احاسب اغراضي واختي ما كانت معاي وللعلم اهي اكبر مني ومتزوجه وعندها عيال

ودقيت عليها وماردت جان اطلع برا واوقف انطرها في مواقف سيارات وكان فيه سيارات اجره عرضوا علي يوصلوني لكن انا رفضت وقلت بنطر اختي

رحت ووقفت بعيد شوي عن الشارع وكانت فيه بنت وولد قالولي روحي عنا بعيد جان اوخر عنهم وابعد

بس هم تبعوني وعرفت انهم يبون يسرقون تليفوني وكان بايدي جان امسكه عدل واصرخ واتهاوش مع البنت اتذكر اني رفستها ترفس وحطيت تليفوني بمخباتي وحيل طقيتها مادري كنت شجاعه بالحلم وجنه اعرف كاراتيه شي جذي يعني اعرف ادافع عن نفسي وطاحت البنت عالارض ورحت عنها بس كنت مجروحه حيل مزلغه

جلدي طايح ولحمي واضح بايديني وبكل صوب وكان معاي واحد مادري اخوي او واحد ماعرفه المهم انه مزلغ مثلي ونفس حالتي مشيت انا وياه ولقينا رجال ياباني او صيني خذانا لبيته يبي يعالجنا

بيته عباره عن غرفه صغيره وحمام وانتوا بكرامه متر بمتر مساحته

انا والرجال اللي معاي طلعنا اندور على ملح نبي نتسبح بماي وملح عشان تشفى جروحنا

بس المشكله قالي الياباني انه بيته مافيه الا ماي بارد وانا ماحب اتسبح بماي بارد وهالشي بالصج بعد انا جذي

واحنا اندور عالملح جدام باب البيت شفت خالتي وبنتها جايين مع امي يتحمدون لي بالسلامه

وقعدت اتشكر من بنت خالتي وانا المها واقولها جزاج الله خير لان سألتي عني

وبس بعدين قعدت من النوم وكان اذان الفجر يأذن