صعبه تعيش افراح في وقت الاحزان ..... وقهر تحب انسان عينه / لــغيرك

مــدخــل


لا تنوي الرحله على غير / عنوان
لا بد تعرف وش نـهاية / مصيـرك


صعبه تعيش افراح في وقت الأحزان
وقـهر تـحب انسان عينه / لـ غـيـرك

.
.

على قلب الـحزين اللي براه الـهم والتفكير
............. تدور ايامه الغبراء وتبقى الـحيره الـحيره
ولولي حيلةٍ و احتال يا قلبي ولكن ميـر
............. قصر دون الرجاء يأسي وطالت بي مشاويره
عزاك الصبر ياقلبٍ ليا نسنس براد عصير
............. تـذكر لـه غـلا من غاب لا طاري ولا سيره
رحل واقفت مظاهيره وصار اللي اخاف يصير
............. والا يا شيب عيني يوم قفت بـه مظاهيـره
اثر لا بار بك خلك وبان بـخلـك التقصـيـر
............. تـمـوت من القـهر لكن تـحيـا مـن معاذيره
اقوله والغياب اللي رماني وسط قاع البـير
............. طواني و انثنى عزم القصيد وخان تعبيـره
لك الله يا الوليف ان الغياب اللي بلا تبرير
............. طعني طعنتين وذقت من لفـحـة زمـهريره
تغيب ولا لقيت لـهالغياب وغيبتـك تفسيـر
............. تـجي وان غبت عن عيني عرفتك انت تفسيره
واعذرك والعذر مايدسـم الشارب وعذرك غير
............. و لـكن شرهة العاشق غـيابك مـن مـخاسيـره
ثلاث سنين تـحداني على الـمره ولاني بـخير
............. وانـا احد الغلا واحـداك يـمه يـالـلـه الـخـيـره
علامك كل ما قلت اللقا اتقول علـه خـيـر
............. وانـا صـابـر على قول الـمثل يا علـها خـيـره
وانا ماعاد به عرقٍ بقلبي يـحتـمل تأخـيـر
............. وانـا كله مـجيـي لأجل شوفاتك لـهالـديـره
اي والله اني لـشوفتك شفقٍ وانت طفل صغير
............. و كبـرت وقـمت تكبر بـالغلا ويزيد تقديره
وكيف الـحين ما اشفق لك واتوق لشوفتك واغير
............. على لقيـاك وانت ابـخص بطعم الـحب والغيـره
طلبتك لا تـخليني وكل ذنـب ولــه تـكـفـيـر
............. الا يامـن عليـه الدمـع حول مـن مـحـاجـيـره
ولو لي قدرةٍ بـالعين من قبل الدموع تسيـر
............. قـسم ما تبكـي عيوني عليـه ولا على غـيـره
ولكنـه ليا نسنس على قلبـي بـراد عصـيـر
............. تذكـر لـه غـلا من غـاب لا طاري ولا سيـره

.
.

مـخـرج


الـحلـم يشبه ظلام الليل و القـمره
تعيش متأمله , وتـموت ما جـيته


يعني ليا طاب حظك في العـمر مره
ماهو ضروري يـجيك اللي / تـمنيـته