~*¤ô§ô¤*~برنامج نفاسي~*¤ô§ô¤*~
سلام عليكم حبايب قلبي
^
^
^
هاذا اول موضوع حقي بالمنتدى
فاماانه انا ع ولاده حبيت افيدكم
برنامجي بنفاسي
اللي مجهزته حق 40 يوم
طبعا كلكم تعرفون انه الاربعين اهم فتره للعنايه بجسم من صحه و الحفاظ رشاقه
فا اللي حابه تمشي ع برنامجي تمشي عليه 40 يوم بضبط بعدين سوالف الطلعه من الاربعين
ليش لانه دورت الاربعين خلال 12 يوم توقف و بعدها 7 ايام او اكثر تيلج اخت الاربعين او اول دوره بعد دورة الاربعين و الاثنين مهمين حيل ولازم تحافضين عليهم فا الاحسن تاخذون الاربعين كله
نبدي
~*¤ô§ô¤*~ برنامجي النفاس عن الاكل و الادويه نفاس و العنايه الكامله بالجسم~*¤ô§ô¤*~
~*¤ الاكل و الادويه نفاس ¤*~
اولا
المحافضه على اوقات الاكل يومين و الادويه اهم
ثانيا
http://www.3bnat.com/wp-content/uploads/hlba.jpg
- الحلبه بس اول 10 ايام من الاربعين و يومين من اخت الاربعين
لما فيها من فوايد عديده حق نفاس
بس اول 10 ايام عشان ريحتها
http://www.hayah.cc/forum/imgcache/119379.png
- فلفل اسود طول النفاس و بكل شي تحطينه
و ماشالله فوايدها واااايد حق نفاس و حق الغير النفاس
http://www.gtscrj.com/pix/item52b.jpg
- كمون طول النفاس
فوائدها وايد حق التخسيس و حق الجسم من صحه
-----------------------------------
الحين بحطلكم الوجبات طول الاربعين و الاتزام فيها بوقت و انتي حددي الوقت اللي يعجبج من متى الى متى
بحطلكم توقيتي انا شلون قسمته و اللي تبي اسوي مثله على راحتها
الوجبات اليوميه
1
صباح
ساعه 8
- حليب وقفشه حلبه مع اللهوم --------- ( بس اول 10 ايام )
و بعد 10 ايام
- حليب زنجبيل مع اللهوم ----------( باجي الايام )
طريقه : حليب زنجبيل
اغلي زنجبيل بعد تقشيره يغلي لما يطلع عصاره زنجبيل و نص لتر حليب تخلينه يغلي و شوي زعفران خيوط و هيل شوي وسكر حسب الرغبه وضيفي عليه عصاره الزنجبيل و خليه يغلي على مهل و شربيه
بعدها :
عنايه بجسم ------------- ( هاذا بحطه لكم اخر شي ) لمده ساعه
ملاحضه : لانه لازم يكون بين الحليب و اللهوم و ريوق ساعه
ريوق : اختياري ----- ( كوني وجبتج من الاطباق اللي بعرضها حسب اللي انتي تبينه مو شرط كلهم او كل يوم نفس شي اللي يعجبج )
بيض مسلوق - عسل - جبن - خبز او توست اسمر - عصير برتقال - شوربه - سلطه خس او جرجير او بقدونس
اجباري : مع الريوق حسو او العصيده
بعدها الريوق ع طول شاي كمون
الظهر
قبل الغداء بساعه ونص
شاي زنجبيل و قرفه مع سفوف
ساعه 2 الظهر الغداء
الغداء : اختياري ----- ( على حسب شنو حابه تاكلين احد الاطباق )
مرقوق - صينيه دجاج بالفرن مع الخضار - جريش - هريس - صينيه لحم – قبوط – مرقه لحم مع الخبز - مرقه دجاج مع الخبز – شوربه
اجباري : سلطه ----( خس او جرجير او بقدونس او بصل اخضر )
و اجباري مع كل طبق من الاطباق تحطين لهوم
العصر او المغرب
ساعه 5
مطاره شاي الاعشاب و مطاره قهوه مع تمر نفاس او رهش او مكسرات
مع القهوه تحطين قطعه صغيره مره بالفنجان و صبين وتشربين
العشاء
ساعه 8 او 9
العشاء : اختياري ------ ( على حسب شنو تبين تاكلين من الاطباق سويلج وجبه حق كل يوم )
سلطه –( خس جرجير بقدونس ) – صمون اسمر – شوربه بنواعها - جبده – عصير برتقال
اجباري : أي نوع شوربه معاها لهوم
العشاء الاحسن يكون خفيف كثري من السلطات هم فيها فيده
بعدها : عصيده او حسو مع شاي زنجبيل و قرفه
بعدها
عنايه الكامله الجسم بعد النوم ------ ( بعرضه اخر شي )
قبل النوم :
شاي زعتر او دارسين
ملاحظه : الحسوم واللهوم وسفوف و شاي الاعشاب و القهوه و تمر ماخذتهم من------ ام خالد خبيرة الاعشاب
و اللي عندها أي استفسار انا حاضره
و ان شالله باجر بكمل الموضوع اذا عجبكم عن عنايه اللي بطبقها بالاربعين
يتبع
:eh_s(17)::eh_s(17)::eh_s(17)::eh_s(17):
