ملـيــت أساهــر مظـلـمات الـليالـي
السلام عليكم ورحمة الله وبركاته
أسعد الله صباحكم بالخير والمسرات
أولا" أعتذر عن غيابي لفتره وذالك لضروف خارجه عن اردتي
واتمنى ان اقدم في هذه القصيده المتواضعه اعتذاري لكم
[poem=font="Simplified Arabic,5,white,bold,normal" bkcolor="sienna" bkimage="" border="ridge,4,darkred" type=1 line=1 align=center use=sp num="0,black"]
مشتاق أشوف اللي على القلب غالي=بس الزمن حدا" على بعـد الاحبـاب
مشتاق لين الشـوق عـذب بحالـي=دايم يغربلنيى وأنـا منـه منصـاب
ياوجد حالي وجد من صـار جالـي=هاجر ديـاره ساكـنٍ دار الاجنـاب
ولا يتيـمٍ مالـه الـيـوم والــي=وأعز ناسه سكـروا دونـه البـاب
ومن حيرته بالقلب يصـلاه صالـي=يموت يحيى مادروا عنـه الاغـراب
مليـت أساهـر مظلمـات الليالـي=وأشكي لنجم الليل عن جملة أتعـاب
لا جيت أبسلا مانـي اليـوم سالـي=وحارت دموعي وسط عيني والاهداب
تعبت حمـل الهـم مثـل الجبالـي=لاقلت هانـت زاد وقتـي بالانشـاب
الله يـاوقـتٍ زمــانٍ مـضـالـي=يوم الفرح من دنيتي مابعـد غـاب
يطري علي لاهـب بـرد الشمالـي=واسرح بفكـرٍ للهواجيـس جـذاب
واليـوم صـدري للمواجـع مدالـي=وحاولت أطبب جرح قلبي ولا طـاب
حتى الصبر مالـه بروحـي توالـي=راح وتركني دون حجه ولا أسبـاب
يالله ياللـي تعلـم اليـوم حـالـي=إنك تزيـح الهـم يـارب الاربـاب [/poem]
وســـلامـــة قــــلــوبكم
أخوكم المحب /حمدان
