باقول لك ارحل وباقولها جد ++ الباب قدامك ومن غير مطرود
خلاص أنا بنساك والله يشهد ++ ذي يعلم الأسرار خالق ومعبود
من بعد ماقد شفت يديك تمتد ++ أصبحت عند الناس ناشد ومنشود
قدكان حبك مثل روحي وأزيد ++ حب اعتقد ماله قوانين وحدود
كم يوم أمطر لك وابرق وأرعد ++ يوم أنت ماعندك سوى برق ورعود
وكنت اسعد شخص بل وأنت اسعد ++ أيام كنا اثنين نرعى في الذود
واليوم اتركني ولا تمد لي يد ++ الجود عند إنسان دائم مع الجود
ماراح أتندم على اليوم والغد ++ ولا محبتنا إلى عهدها تعود
هيهات ارجع لك من النجم ابعد ++ حتى ولو تفرش لي الدرب بورود
لو تطلب الفزعات ماقلت اشتد ++ ببقاء على مبداي صامل ومشدود
لي قلب ابيض يوم لك قلب اسود ++ خلاص بكسر عود من بعد مسعود
ذي مايقوي ساس مبناه ينهد ++ والبخل شف راعيه بالفقر موعود
مبناك ما تأسس على الصدق وانهد ++ انظر لوحدك كيف مبناك مهدود
البحر له حالات له جزر له مد ++ والناس في ذالوقت طارد ومطرود
-------------
صالح الشريف
