رايكم .. حضانه و ولدي عمره سنه!

السلام عليكم...

امهات حابه اخذ رايكم بشغله

عندي ولدي عمره سنه وشهر

و ودي ادخله الحضانه بس الاغلبيه قاعدين يقولي لا وحرام توه صغير

بس انا انشاءالله بعد سبوع جذي مسافره عشر ايام وراده يعني ودي طبعا بعد ما ارد ادخله

بس ما ادخله كورس كامل لا بس بو شهر جذي واذا اهوا حب المكان عادي اخليه لين تخلص الفتره

بس ليش ودي ادخله لان حيل انطوائي

خل اقولكم جم موقف...

كنا بالافنيوز اهوا يروح يتمشا عادي ما يسأل عنا
بس لييي يه احد يجيسه او يكلمه ولا يضحك معاه يردلنا ركض وعادي يبجي بعد

هم واحنا كنا طالعين يتله بنيه اصغر منه توها تمشي راحلها عادي
ولا اتدزه من صدره لووول هذيك مهاوشجيه
تخيلو ردلنا طاير و ويهه منقلب والبنت وراه تبيه
عاد احنا كنا يمه موبعاد ابوه ماشاله نزل لي مستواه
والبنت يمه يقوله دادا عشان يلعب معاها
يبجي ولام ابوه يبيه يشيله مايبي يشوفها!!

لي رحنا بيت يدي كل يمعه
واهوا كل مره يشوفهم همم يخاف مايروح حق احد وان قربو منه يبجي

بيت امي في ناس معينين مايبيهم يبجي مع ان بالاسبوع جم مره يشوفهم لازم متعود عليهم

هذيك المره رفيجتي زارتني ييت تشيله انحاش شالته غصب ويقعد يبجي بجي

ونسمه يرزح و ويه زورق هدته احسها افتشلت!



وانا مو حابه وضعه هذا ابيه اجتماعي يروح حق الناس يلعب مع اليهال عشان جذي ودي ادخله

بس عشان يتوعد وياخذ علناس واليهال


وعندي سؤال عادي اول سبوع اكون معاه؟ يعني ما اقطه واطلع؟
عشان اخاف عليه لول لانه عادي اليهال ييكفخونه واهوا ساكت واصلا راح يبطها بجي اول ما ادش فيه فماراح اقدر اخليه اول ايام :(

وشنو برايكم احسن حضانه بجنوب السره؟؟