كله احلم بخدامتي ممكن التفسير

السلام عليكم
انا كله احلم بخدامتي الاثيوبيه انها تخبي اشياء عني وانا اكشفها وافتح عليها الليتات وتحاول تذبحني وانا اقول الله اكبر واكرر الله اكبر واطلعها من بيتي تتكرر عليه احلام مشابهه كثيرة بشأنها
المهم تحلمت امس فيها حلم خير اللهم اجعله خير
الحلم الاول
اني كنت جالسه بالسطح مع عمي ابوريلي وريلي وجات الخدامة ومخبيه ورا ظهرها عصى
وانا شفتها وكنت احاول اني اوقف ماقدرت وكنت موقادرة اتحرك وجات وحطت العصا على رقبتي بتذبحني
ومحد شايفها غيري وصرت اقول الله اكبر الله اكبر الله اكبر واكررها لما فلت منها ورحت بطقها بالعصا تحولت دودة صفرا صغيرة تخبت داخل علبه قزاز قمت شلتها ورميتها بالسطل هذا المدور مادري شتسمونه الا رجعت فكرت قلت لا خليني ارميها بالزباله احسن وشلتها بوديها الزباله قام يطيح من القزازة دود اصفر كثير وماهتميت قلت خليني اوصلها اول علي الزباله بعدين اشيل الدود الي طاح وفعلا رميتها بالزباله وشلت كل الدود الي طاح ورميته وراها
الحلم الثاني
انها مادري شنو سوت وانا عصبت جان اقولها قومي امشي شيلي هدومج على انه بسفرها
وفتشت هدومها بدون مااخاف وطلعت شغلات وايد جنها سحر وايد اسحار مسويه لنا ومسكت ورقه صفرا عليها دود صغار اسود وحاولت ابعد الدود عن الورق قام علق بوجهي وشلته شوي شوي عشان مايألمني وراح وشلت من عندها كل شي يخص عائلتي وطلعتها من بيتي وطلعة معاها كل سحرها وبلاويها
ممكن التفسير
ادعولي تكفون الله يكفينا شرها يارب