حلمي بالفهد

السلام عليكم خواتي رأيت قبل فتره رؤي وهي انني كنت لابسه وبطلع مع أمي وأبوي وأختي بسيارتهم وكنت يقفل الباب ومستعجله فناديت بنتي وقلت لها قفلي الباب وانا أكلمها لاحظت بنتي الصغيرة وافقه وظهرها للطوفه وتشوف جنبها باب وفهد اسود صغير ينط يحاول يفتح الباب وانا كنت مستغربه انها ما خافت منه وعقب رحت مع العلم أني عندي بنات الله يصلحهم وبعد فتره بسيطه حللت وطلعت حامل ويوم سويت سونا ر عقبها قالو فيني بنت ومشكورين وآسفه علي الاطاله وفي رؤيا ثانيه ان زميلتي بالعمل زارتني وانا في الواقع حامل بس في الحلم والده وسالتني شنو جبت قلت جبت بنت قالت شنو سميتوها قلت ما سميناها للحين أرجوكم تساعدوني في تفسير أحلامي لانها حيل مشغلتني