مراحب حبيباتي الصابرات

السلام عليكم ورحمة الله وبركاته

معاكم هالة الصباح من الكويت

حبيت اخفف دمي بس أخاف دمي ثقيل 😁

اسلم عليكم وسأل عن اخباركم شنو صار عليكم منو سوت عمليات من حملت منو اولدت منو سوت وماصار ياالله اللي حابة تدخل وتشرح سالفتها تيي عندي وتقول قصتها
انا خواتي هل مرة يايتكم المرة السادسة بس المرة مو حقن مجهري ولا اطفال انابيب
هل المرة بسوي عملية تكميم معدة وابي اضعف وإن شاء الله اذا ضعفت يمكن يصير طبيعي والعلم عند الله الله كريم إن شاء الله ويقدم مافيه الخير
وعلى العموم عندي نطف مجمدة في مستشفى السلام من حوالي أكثر من عام .. قالو لي ما يصير احمل بعد عملية التكميم الا بعد سنه ويفضل بعد هذا الوقت
بسوي العملية إن شاء الله منتصف الشهر الحالي وبشو ف أسأل الله التوفيق لي ولكم وجميع المسلمين
تحياتي