السلام عليكم ورحمه الله وبركاته
الدين والعمل الصالح ليس حكرا لأحد فشمري وأستعيني بالله
لن نعرف قيمة أفعالنا سواء الطيب منها او السيئ إلا في اول ليلة في الـقـــبـــر يومها لن نجد أنيس ولا جليس ولا أما ولا اب الا أعمالنا فلذلك
> > ...
يقول الله سبحانه وتعالى في كتابه الكريم :
{ يَا أَيُّهَا الَّذِينَ آمَنُوا قُوا أَنفُسَكُمْ وَأَهْلِيكُمْ نَاراً وَقُودُهَاالنَّاسُ وَالْحِجَارَةُ عَلَيْهَا مَلائِكَةٌ غِلاظٌ شِدَادٌ لا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ }.الآية
آنززززين شلووون نقي آنفسنااا و أهلنااا ؟؟؟
تبووون شلون كلنا نعرف انه نطيع ربنا بما آمر و نجتنب ما نهى
بسسس بعد فيه شي ترتاحووون فيه و تقوون انفسكم النار فيه و يجيب لكم كل خير بأذن ربي شوفوا شيقووول حبيبنا وش يوصف لنا ويدلنا على النجاة ....
" .. فينظر أيمن منه فلا يرى إلا ما قدم وينظر أشأم منه فلا يرى إلا ما قدم عن الشمال وعن اليمين الحسنات في جهة اليمين والسيئات في جهة الشمال ويرى تلقاء وجهه فلا يرى إلا النار تلقاء وجهه قال عليه الصلاة والسلام فاتقوا النار ولو بشق تمرة "
,,,,,,,,,,,,,,,,,,,,,,,,,,,,,
في هالشتاء الصبح وانتي رايحه الدوام مع سايقكم ابوج اخوج مري خبازكم خبز ايراني او جباتي المهم خبز حاااااااااار اشتري كمية وامشي ِعلى عمال النظافة وهاللمساكين اللي تارسين الشوارع ووزعوهم عليهم والخبز حااار يوم تجين تالي تحطين لقمه الخبز بحلجج تتذكرين و يصير لها لذذذذذه غيررر لآن شاركتي غيرج فيها
و
همن بالصيف وقت الظهر حنا طالعين من الدوامات ياوووو حرررررررررررر موووت ادري بس لج جم بطل ماااي أو عصيرأو مشروبات غازية شي باااااااااااااااااارده يسرسح على الجبد ووزعيهم بالطررريج عسى يوم توقفين بين يدين الله تجي الحسنااات تتوزع من كل حدب و صووووب اميين ..
..........
من اسواق الجملة مجموعة بطانيات ماتكلف الكثير ووزعيها على هالعائلات الفقيرة .
.......
والله مستلمه المعااش فرحانه فيه يالله اقررب جمعيه خوذي مؤوونه بيت حق 70 50 40 عسى 20 انتي و طيبج واعطيها لعائلة محتاجة عسى كل ماحطوا لقمه بحلوجهم هالشهر كله يدعوووووووووووووووون لج .
.....
تفقدي الكبت قبل الشتاء و قبل الصيف , اللي مستغنيه عنه او حتى من اجود ماعندج ثمة محتااااااااج , فلا شك تشوفين عمال النظافة وهم في اشد البرد ماعليهم الا الخفيف من الملابس فجوودي و الأجر لج مو لغيرج الا من نويتيه ..
........
حــددي لج يوم في الأسبـوع الصبح وانتي رايحه الــدوام او حتى اي مكان مري على اقرب مطعم او بوفيه وخذي لج مجموعه سآندويتشات ووزعيها ع العمال الي تصادفينهم بهالشوارع عسى حتى لارحتي الجمعيه خوذي لج كيس حطي فيه عصير ساندويتشه انتي وكرمج وعطيها السايق عطيها اللي يوصل الأغراض عطيها هالسواويق اللي ينطروون راعياتهم داخل ياكل له جم لقمه قبل تجي ولآ يشرب له شفه ماي تاخذذذذين اجرها يوم تدنوا الشمس فوق رؤوسنا
.........
في مسجد المنطقه او عيال اقاربكم او حتن عيالكم شجعي حلقات التحفيظ , تكفلي بمسابقة تكون جوائزها عليك , وأي أجر اعظم من تشجيع حفظ كتاب الله والانفاق في
هذا الميدان عظيم
{يَوْمَ تَجِدُ كُلُّ نَفْسٍ مَا عَمِلَتْ مِنْ خَيْرٍ مُحْضَراً وَمَا عَمِلَتْ مِنْ سُوءٍ تَوَدُّ لَوْ أَنَّ بَيْنَهَا وَبَيْنَهُ أَمَداً بَعِيداً وَيُحَذِّرُكُمْ اللَّهُ نَفْسَهُ }
--------------------
حبيبتي اصلآ حنا محاسبين على هالنعمه اللي حنا فيها لو ماشاركنا هالفقارى فيها ربي سبحانه خلى رزق الفقارى على الأغنياء ولا تقوولون حنا مو اغنياء ليشش مو اغنياء ؟؟
ما ننام دااافين مو إذا بردنا شغلنا هالدفايه وهالمكيف الحار و تدثرنا وتغطينا بهاللحف اللي يالله من فضلك وهالملابس وهذا جاي زنجبيل و هذا مرقوق و هذا اكل يدفي وبالصيف لآمن احتررينا طقينا هالمكيف و انبطحنا قداامه و البيوت رخام وسراميك تبرررد علينا و هالبارد و افففف حراانه دقي ع اسماعيل يووصل لنا برررد و مشتهيه بطاااط كل شي نشتهيه عندنا مووو اغنياء بالله عليكم ؟؟
هذولآ لآجاعوا مالقوا ياكلوون عساها خبزه بصيف ولآ شتاء مكيف ماكووو لا حار لا بارد فلووس حق بارد و برد و ماتشتهيه نفووسهم ماكوو يالله بس حق لقمة تسدد جوعهم
أنفقي يالغاااااليه أأأنفقي و جوووووووووووودي بأجود ماعندج والله تنسين ما أنفقتي ولكن الله الجوااااد اكرررم الكرماااااء كلهم سبحاااااااااااانه ماراااح ينسااااه لج ابدددد يوووم تبلغ القلووب الحنااجر
أسأل الله العلى العظيم أن يعز الإسلام والمسلمين فى كل زمان ومكان
سبحانك اللهم وبحمدك أشهد أن لا إله إلا أنت أستغفرك وأتوب إليك
السلام عليكم ورحمة الله وبركاته
لاتنسوني من دعائكم
+
منقول من أخت عسى ربي آن يستجيب لها دعائها و يتقبل صلاتها و يغفر زلاتها و يكفرر سيئاتها .
و أتمنى منكم تنقلوونه تنسخونه تتكلمون فيه مع اهاليكم و تطبقوونه ..
