الي حابة يكون عندها قطو رمادي تتفضل
السلام عليكم
بنات انا عندي قطو ذكر شيرازي عمرة سنه ونص مخصي { عملية تعقيم} يعني لا اتحاتين حنة زواج ولا رش بول ونظيف ومتعوب علية لونة درجات الرمادي الفاتح والغامج و عيونة اخضر باصفر
حابة اعرضة للتبني الاني ما ابي ثواب تربيتي لة ايروح والسبة جم دينار والسبب للتخلي عنة الان ماشاء الله صار عندي وايد توة عندي نثية والدة وابي اعطي الصغار فرصة يربون مع امهم وعطوني امر ان لازم اخفف العدد مدام النفس علي طيبة ليما الحين :eh_s(13):
وما لقيت غيرة اتخلى عنه الا اهو ما اقدر اوخر اام عن اعيالها واهو كان الابو قبل لا اعقمة اثناء حملها
وها القطو بس فية خصلة وحدة مو حلوة معدته ما تستحمل السمج يعني اذا اكل سمج حتى لو معلبات يستفرغ وبس
والا اهو حنون مو شايف عمرةاهو الوحيد الي من بد كل اقطاوتي عمرة ما شمخني ولا عظني واهو مطعم وعندي شهادة تطعيماته ماخذ كل التطعيمات وماخذ دوا الدود
والي جادة بتربيتة واتخاف الله فية اتراسلني على الخاص والي تبية حق اليهال يلعبون فية يومين ويقطونة لا تاخذة وتستاثيم فية احسن
وانا ما ابي ولاشي من الي تاخذة غير انها تحلفلي على القران انها تهتم فية وما اتبيعة
وبالنسبة للصورة اعذروني ما اعرف احطها وان شاء الله من بعد ما اتفق مع الي بتاخذة اطرشلها اياها بالايميل او الوتس اب
ومشكورين
ملاحظة : حطيت الموضوع بقسم التبني وما شفت اقبال قلت احطة اهني للجميع:eh_s(7):
