تكفون لا تخلوني

1. :eh_s(2):يابنات وربي اني تعبت انا لي قريبات ما احتكيت فيهم الا من سنتين تقريبا وفالفترة الحالية مالي احد اقعد واسولف معاه الا هم بس يابنات احيانا وانا قاعدة اسولف معاهم يضحكون من غير سبب ويستمرون بالضحك بقوة واقول لهم وش فيكم ولا يردون ويسكتون ونكمل اللقاء وكان ماصار شي بس من داخلي نار وارجع للبيت وافكر ليه اضحكوا علي مالقى جواب كلامي عادي جدا شكلي مايدعوا للضحك حتى شفت نفسي بالمراية مافيني شي هالموقف ماصار معاي مرة وحدة صار عدة مرات منهم \هم مجموعة بنات وحتى مرة كنت عند بعضهم ودخل ولد اخوي الصغير قلت هلا وبسته وشفتهم يضحكون ويخفون ضحكهم عني وضحكم فيه سخرية واحيانا يستمرون بالضحك لاحد مااحس اني تفشلت ووجهي تلون واللي زاد الطين بلة وخلاني اكتب اختي اليوم قلت وريني فستان بنتك اللي تقولين حلوو عليها وعجب صديقاتك وقامت تضحك بقوة واقول وش فيك تقول مافيني شي واستمرت تضحك تركتها وجيت اكتب لكم وانا ابكي ياناس فالفترة الاخيرة بسببهم صرت ارتبك اذا جيت اتكلم واتلعثم واحيانا اسكت مااتكلم مع العلم اني اعلى شهادة منهم كلهم واكثر ثقافة بكل شي ومع العلم ان المواقف اللي يضحكون فيها اكون اتكلم عادي مثل كلامهم تكفون يابنات ردوا علي من خلال المواقف اللي قلتها فيه شي يضحك قولوا بنات والله ماازعل ولا انجرح بس فهموني ليش يضحكون لاتخلوني على عماي وربي اللي ترد لدعي لها بقيام الليل بنات انا خلاص افكر انطوي على نفسي ولا اكلم احد وشكرا لكم