عزي لمن ظرفه علي الناس حده

اغنام - ابل - دواجن - طيور

عزي لمن ظرفه على الناس حده % يقعدبها مابين ناقد وثرثار
هني من يلقى خوي يعده % صدوق ماعنده تصاريف واعذار

ياقف معه مافيه عذر يرده % لاقال تكفى ماتملص ولا بار

هذا إن وجدته جوده لاتهده % حذرا تفرط فيه لوصار ماصار

واعلم ترا ماكل شخص توده % مفروش لك قلبه موده ومقدار

بعض من اصحابك لو الود وده % تصبح فقير ولا معك ربع دينار

خبيث نيه لوتصافحك يده % ظاهره زين وجوفه اسود من القار

مهماتسوي فيه عشه وغده % يغسل يديه ومثل ماكان بوار

ولا الخوي تلقاه عكسه وضده % أقل مافيها خوي طيب اسرار

وإياك تنخا اهل الوجيه المصده % يغنيك عنهم خالق ابليس من نار

واصبرعلى دنياك في كل شده % وابشربخيرإن كنت مومن وصبار

مابالقصيده حاجة مستجده % أشياء معاده والهدف بس تذكار
ماراق لي ابو عمر