باتزوج ولا اعرف شى من مسؤلية البيت

السلام عليكم ورحمة الله وبركاته

خواتي بنات المنتدى مالي غيركم بعد الله

ماعرف شي من أمور البيت ولا الطبخ ( اكبر هم )

يمكن تشوفون مشكلتي بسيطه

لكن بالنسبه مثل الهم على قلبي :eh_s(11):

باعطيكم بعض المعلومات عني عشان تقدرون ظروفي

عمري 18 سنه .. مخطوبه وبااتزوج بعد 6 شهور

يتيمة الام منذ الطفولة .. ربيت عند جدتي لبوي

والله يرحمها بعد توفت وانا بالثانويه ... ورحت عند ابوي

المتزوج مع اولاده ... ليما الحين انا اعيش عندهم

وعلاقتي بزوجة ابوي عاديه جدا مامون عليها

انها تعلمي .. مالها شغل فيني .. شارطه هي على الوالد بهذا

محتاجه أم ولا أخت .. تحن علي تعلمني هالشغلآت

امور الحياه من ترتيب وتنظيف ومسؤلية الزوج الحمدلله الدنيا علمتني

لكن سالفة المطبخ ولودام الدجاج واللحم و المواعين

كل امور المطبخ ماأعرفها ... مابي اعتمد على الخدم

ويلعبون بي ..

فهموني الله يجزيكم خير

وعليكم السلام

آول شي آلف مبروووووووووووووووك .. والطبخ مايبيله كل الهم ومشكلتك سهله انا عكسك يومني انخطبت آمي فوق راسي تزن

آطبخي وتعلمي وتعالي آعلمك وكنت آرفض ذالك وغرني كلامه لي انه بيدلعني

وكنت رفلا .. وتزوجت وانا ما اعرف شي الا باشميل ودجاج كودو دبلت سبد الرجال بها

الموهم تعلمي من النت كم طبخه وزينها له وحاولي تثقفين نفسك وترآآ مع الوقت اذا رحيتي بيتك بتتعلمين وبتصرين جدعه مثل محسوبتك

بس انتي ماشاء الله عندك رغبه مو مثلي كل شي بالقوه تعلمته




وبالتوفيق يالغلا