يا جماعة كل حاجة كنا مستنينها حصلت خلاص!!!! فوقوا بقى

السلام عليكم ورحمة الله وبركاته



من غير مقدمات



عاوزة أسأل نفسى وأسألكم برده سؤال محيرنى جدا ومش عارفة ألاقيله إجابة



يا ترى إحنا مستنيين إيه يا جماعة ؟



مستنيين إيه فى إيه ؟



إحنا مستنيين إيه عشان ننطلق لربنا



مستنيين إيه عشان نتوب من الحاجات الغلط إلى إحنا بنعملها



يا جماعة كل حاجة كنا مستنينها حصلت خلاص



شوفنا جنود الله فى الأرض



شوفنا شوية ماية يا جماعة شوية ماية هدمت دول وهدمت إقتصاد دول



شوفنا شوية هوا بس دمروا الناس



والسيول والزلازل


يا جماعة ربنا بيورينا إن إحنا مش قد نفخة هوا


طب .... طب بلاش الحاجات دى



شوفنا الحوادث إلى بتحصل على الطرق للغافلين



شوفنا الموت الفجأة



شوفنا سوء الخاتمة انتشر



إحنا مستنيين إيه



مستنيين ندفن أعز حبيب لينا فى التراب عشان بعدها نحس ونبقى نفوق ونعرف إن الموت قريب أوى



ولا مستنيين لما يتصلى علينا وساعتها يبقى فات الأوان وجيم أوفر



طب بلاش السؤال ده



سؤال تانى



إنتى مطمنه ليه ؟



يعنى إنتى مطمنه إن إنتى تعيشى وتعملى كل إلى نفسك فيه ؟ طب مطمنه ليه ؟



أكيد إنتى عملتى حاجة فى حياتك مخلياكى مطمنه كده وبالك رايق



إحنا عملنا إيه يا جماعة عشان نبقى مطمنين أووى كده ومستبعدين الموت



دايما الإنسان بيظن إن كل الناس إلى حواليه ممكن تموت أما أهله وأسرته وهو



لاء



وده نوع من أنواع الغفلة



يا جماعة والله أنا مش جاية أحبطكوا بس برده مش جاية أضحك عليكوا



من فينا لما ييجى يدخل المنتدى بيبقى عنده إخلاص فى المواضيع إلى بيحطها



من فينا هدفه الأول وقبل كل شئ تذكرة الناس وإن الناس أول ما تقرأ موضوعه تعيد التفكير تانى فى حياتها وفى أسلوبها فى الحياة مش الردود والشكر ووو



من فينا بجد بجد كل عمل حطه هنا فى المنتدى حطه بإخلاص النية لله فقط حطه عشان ربنا وبس



يا جماعة الإنسان فى امتحان الدنيا ممكن ينجح ب 50 % ، 60% ، 80%



لكن امتحان الإخلاص 99% وبرده مش هتنجح لاااازم 100% لازم العمل يكون لله وبس



يا جماعة إحنا لازم نفوق والله لازم نفوق قبل ما الأوان يفوت ونرجع نقول ياريت إلى جرى ما كان



لما واحد يكون عنده امتحان بكره مثلا ده من المؤكد إنه مش هيقوم من على الكتاب



عاوز يعمل كل حاجة ويخلص عشان يبقى داخل الإمتحان مستعد وجاهز لأى سؤال مهما كان صعب



ولمل يدخل الامتحان أكيد بيبقى عارف مدة الإمتحان و الورقة هتسحب منه إمته



طب نتصور إنك كان عندك امتحان وميعاده متحددش طبعا كل يوم كل دقيقة كل ثانية بل وكل لحظة هتلاقى نفسك بتستعدى للامتحان ده لإنك مش ضامنه ممكن ييجى بكره أو بعده وممكن دلوقتى



طب نتصور كده وانتى قاعد فى الامتحان وفجأة لقيت الورقة بتسحب منك بدون أى مقدمات



هتعملى إيه ؟



أهوا الموت كدا يا جماعة بييجى بدون مقدمات



عشان كده لازم تكون فى كل ثانية مستعد إن الورقة تسحب منك



يا جماعة تعالوا نحاسب نفسنا



نشوف سلوكياتنا



نشوف أخلاقنا



نشوف تصرفتنا



نشوف قيمنا



راحت فين ورايحة على فين



كان فيه أحد السلف بيحاسب نفسه بإنه يحط صابعه على مصباح ويستنى لحد ما يشعر بالحرارة و اللسعة والحرق يبتدى يحاسب نفسه



ليه عملت كذا يوم كذا



طب ليه معملتش كذا يوم كذا



وكان فيه أحد السلف بيحاسب نفسه بطريقه زكبة جدا



نفترض إن كل واحد فينا عاش 20 سنة يعنى 7200 يوم مثلا ده على أقل تقدير



نفترض إن إحنا فى كل يوم من هذه الأيام ما عملناش غير ذنب واحد



ذنب واحد بس



ده على افتراض إن إحنا ما اغتبناش ما نميناش ما بصيناش هنا ولا هنا ما سمعناش أغانى .....



ذنب واحد بس كل يوم معناها 7200 ذنب



تصوروا



7200 ذنب .... ياااااه هنعمل إيه فيهم



يا جماعة إحنا بيتسجل لنا صوت وصورة كل يوم كل صغيرة وكبيرة كل حاجة حتى أدق الأشياء كل همسة متسجلة



لما ربنا يسالنا عن 7200 ذنب



ياااااااااااااااااااااااا ااه يا جماعة



كان فيه أحد السلف لما ييجى الليل يظل يصلى ويبكى بشدة فتسمعه أمه فتقول له : ما بك يا والدى أقتلت نفسا ؟



فقال لها : بلى يا أماه لقد قتلت نفسى



أيوا



أيوا يا جماعة



أه والله



بنقتل نفسنا



كل ذنب بتعمله خنجر فى نفسك



كل أغنية سمعتها خنجر فى نفسك



كل صورة شوفتها خنجر فى نفسك



كل حاجة بتعملها غلط بتقتل بيها نفسك



أرجوووووك أرحم نفسك



إرحمها بجد شوبة



ده لما مجرم بيقتل إنسان ويضربه طعنتين بنقول عليه ده معندوش رحمة وقلبه قاسى فما بالك إنت طعنت نفسك كااااااااااااااااام طعنة



واحد هيقولى 7200 ذنب يااااااااااااه



خلاص أنا كده مش نافع ربنا مش هيغفرلى



هقولك



لاااااااااااااااااا



اسمع كده الحديث القدسى ده



عن أنس رضى الله عنه قال : سمعت رسول الله صلى الله عليه وسلم يقول : " قال تعالى :يا بن آدم إنك ما دعوتنى ورجوتنى غفرت لك ما كان منك ولا أبالى



يا بن آدم لو بلغت ذنوبك عنان السماء ثم استغفرتنى غفرت لك



يا بن آدم لو أتيتنى بقراب الارض خطايا ثم اتيتنى لا تشرك بى شيئا لأتيتك بقرابها مغفرة "



( رواه الترمذى )



ياااااااااااااااه



اقرؤه تانى بالله عليك اقرؤه تانى



يا بن آدم لو أتيتنى بقراب الارض خطايا واستغفرتنى غفرت لك ولا أبالى



يااااااااااااااااااااه



ياااااااااااااااااه يا جماعة



كلمة ولا أبالى بتحسسك بجد إنك بتحب ربنا اوووووووى



ده انتى بتعملى حاجات لو أخوكى عرفها عنك مش هيطيق يبص فى وشك



وشوفى بتعمليها وربنا شايفك وبيقولك " واستغفرتنى غفرت لك ولا أبالى "



ده انتى لو غلطتى فى حق واحده صاحبتك مرة هتعديهالك التانية هتعديهالك التالتة هتقولك لاا لحد هنا و وخلاص



أما شوفى ربنا بيقولك إيه " واستغفرتنى غفرت لك ولا أبالى "



شوفت قد إيه إنت غلطت فى حق ربنا كتيييييييييييييير



وربنا بيقولك " واستغفرتنى غفرت لك ماكان منك ولا أبالى "



هااااااا يا جماعة عاوزين إيه أكتر من إلى احنا سمعناه ده عشان نتحرك



هننطلق لربنا امته



احنا عاوزين نكسر الدنيا



عاوزين لكل واحد فينا هدف فى حياته



مثلا



يكون هدفك وإنتى فى الثانوية إنك تهدى صحبتك



وإنت يكون هدفك وإنت فى الجامعه تهدى 10 من صحابك



وزع مطويات انسخ اسطوانات احضر دروس علم اقرأ اتعلم



والله يا جماعة احنا قريبين أووى من الطريق الصح بس محتاجين بس حد يفكرنا وياخد بإيدنا



هتقولى طب أعمل إيه أنا اتحمست خلاص وعاوزه أنطلق لله وأركب قطار الدعوة إلى الله أعمل إيه ؟



هقولك كلمتين بس



سيبى واشتغلى



!!!!



يعنى إيه مش فاهمه حاجة



هقولك أهو



سيبى المعاصى



واشتغلى للدين علطول



ما تسميعش لكلام الشيطان يقولك ياااااااااااااااااااااه إنتى لسه فى بداية الطريق إنتى فين والناس الحلوة دى فين ياااااااااااااه الطريق طووويل ويبدأ يرجعلك للطريق الغلط تانى



لاااااااااااااا



إوعى



علطووول إقرأى كتب سنة فقه توحيد عقيدة احضرى دروس علم صحبة صالحة اقرأى مواضيع على النت من مواقع موثوق فيها هتلاقى نفسك والله بتتثقفى شوية بشوية



الواحد متخلقش وفى دماغه جميع الكتب وبيعرف يقرا ويكتب



براحة وبهدوء هتلاقى نفسك اتعلمتى بعون الله



أيوا



عاوزين يبقى عندنا هدف نشتغل ليه



أذكر موقف حكاه شيخنا الفاضل محمد حسان



يقول " أتانى رجل فلقيته بيقولى يا عم الشيخ ربنا ده ظالم



قال له الشيخ : حاشا لله ما ذا تقول



قال له : ربنا ده ظالم



قال له الشيخ لماذا تقول هذا



قال له الرجل : هو ربنا مش شايف إلى بيحصل فى فلسطين والعراق والصومال وافغانستان ووو



مش بيقضى على الظلم ده ليه



فرد عليه الشيخ : أسألك سؤالا قبل أن أجيب



رجل صاحب عمل وشركات وأموال وأنت موظف عنده بس إنت مبتشتغلش جه آخر الشهر ومصرفش مرتب ليك إنت هتضايق



قال له : لاء طبعا



قال له الشيخ : ليه ؟



قال له : لإن أنا مبشتغلش هيدينى مرتب إزاى



قال له الشيخ : طب يا أخى هل إنت اشتغلت لربنا عشان ربنا ينصرك وبعطيك ؟



صمت الرجل ثم قال :



آآآآآآه والله يا عم الشيخ



عنك حق



فأنا بوجه نفس السؤال لكل الأعضاء وياريت يجاوبوا عليه



إنتى أشتغلتى لربنا ؟ ومستنيه إيه عشان تشتغلى لربنا ؟





فاكهة الموضوع



خطبة بعنوان



لماذا يخافون الإسلام؟



لفضيلة الشيخ / محمد حسان


:bbbiu:
ومستنية بإذن الله من كل الأعضاء الإجاية عن السؤال



وجزاكم الله خيرا
منقول