بيتنا والقطط

السلام عليكم ورحمة الله وبركاته ..
اتمنى تفسرولي احلامي والله يجزيكم خير يارب ..
الحلم الاول: هذا الحلم حلمته وانا في المدينه وهوا اني ادخل حمام بيتنا وانتي بكرامه واشوف فوق السيفون حق كرسي الحمام معليش ع الوصف بس عشان اوصل الفكره قطتين واحده بيضه كبيره وواحده بنيه صغييره وبعدين يخرجوا ويجوا الصاله ويكون في الصاله ماما وبابا وتجي القطه البيضه ويكون شكلها كبير ورجلها كأنها مكسوره او مجروحه وكانت تعرج وبابا كان حزين على رجلها المكسوره وتجي القطه تنسدح جنب بابا ويكون راسها غريب مو راس قطه عاديه وشعرها كأنها مسويه ضفيرتين ومنبش ووسخ وبابا يمسك شعرها وضفايرها مستغرب وماما تقولو حرام عليك لاتمسكها وكأنهم راحمينها وشايفينها مسكينه ويقوم بابا يقول للقطه البيضه اخرجي برا تقوم القطه على رجلينها زي الانسان وتبغا تطلع برا الشقه وهي تعرج اما القطه البنيه الصغيره فتمشي وتدخل تحت الكنبه وتلف من ورا رجل ماما وماما ترفع رجلها وتبعدها عنها يقومو القطتين يبغوا يطلعو برا ويوصلو عند باب الشقه بس يرجعو يدخلو البيت وانا احاول اهشهم واطلعهم برا بس ماقدرت ودخلو غرفة اخويه وبس.

الحلم الثاني : حلمت الحلم هذا بعد الحلم الاول وهوا اننا كأننا في بيت كبير له حوش وسطوح او كانت بلكونه كبييييره مررره وكأننا جالسين في الغرف اللي جنب السطوح او البلكونه *وانا كل شويه ادخل السطوح او البلكونه هذي واطالع لتحت على الحوش وكأني استنى شي او خايفه من شي واخويه معصب مني اني اخرج كل شويه وتيجي قطتين لونها مخلوط ابيض وبني وكباااار مررره كأنهم نمور ولا حيوانات تانيه ابدا حجمهم مو حجم قطه بس شكلهم شكل قطط واقول لاخويه خليهم يخرجوا برا تقوم القطه الاولى تأشرلي على السور بعينها *وانها بس حتستخدم السور عشان تنط منو اقوم اقول لأخويه لو خليناهم كل شويه حيجو عندنا واخويه يطالع فيا وهوا معصب مررره وكأنو يقولي هدا مو شغلك هدا شغلي وبس.
البيانات:
غير متزوجه- غير موظفه وطالبه جامعيه-وحالتي الدينيه متوسطه والحمدالله .*
ملحوظه: عائلتنا مسحوره ومعيونه ومحسوده وممسوسه وكل البلاوي فينا والحمدالله على كل حال .