[ الوالد والتاجر ] , [ ررد (بــ) ررد ] , [ رسالة خاصة ] ,

السلام عليكم

الف مبروك فوز اليوم , الحمدلله ..
وباذن الله تستمر النتائج الايجابية لـ اخر الدوري ..
ثم التتويج باذن الله ..




.
.

][ الوالد والتاجر ][

اليوم جلست مع الوالد بعد المبارهـ ,
وجلس يحكي لي حكاية واحد تاجر بـ الحي عندنا ..

قالي الوالد انه :-

الشخص هذا [تاجر كبير ] بالمملكة ..وهو تاجر معروف جدا ( بين التجار والسوق والناس بشكل عام ) ..
ماشاء الله عليه تجارته كبرت واتوسعت السنه هذي بـ شكل كبير ..

وصار هو الكبير .. ( ورجع لمكانه الطبيعي بالسوق )وصار هو افضل التجار الموجودين .. على مستوى المنطقة وخارجها كمان ..

وصار مايمر اسبوع كامل الا وهو مخلص صفقه ..وكل اسبوع يخلص صفقة اقوى من صفقة الاسبوع اللي قبله ..
خلص على صفقات وكسب مناقصات مشاريع قوية وراء بعض ..
وكسبها من بين كل التجار اللي كانوا ينافسونه عليها ..وبكل مناطق المملكة غربية ووسطى وجنوبية وشرقية وشمالية ..

وكان فيه تنافس كبير بين التجار بشكل عام على كل الصفقات ..
ولكن الكل خسرها وكسبها هذا التاجر ..

وبعد ماشافوا التجار الاخرين .. ان كل الصفقات اللي تمر على هذا التاجر يكسبها .. ويستفيد منها لـ صالحه بـ افضل الاشكال ..

بدا التجار ب نشر الاشاعات والاقاويل بالسوق والتقليل من هذا التاجر..
ومحاولة التشويش علية .. والتقليل من صفقاته ونجحاته المتواصله ..
ويقولون انه الجمارك تسهل امورهـ ..وشوي يقولون انه وزاره التجاره تساعدهـ .. وشوي يقولون انه البلدية تمشي له امورهـ .. الـخ

واخذوا فترهـ طلعوا ب سالفه .. انه هذا التاجر عندهـ موظف برازيلي ويتكلم برتغالي ..
والموظف هذا يجيب له عماله من البرتغال لـ خدمه مصالح التاجر .. ! والعماله اللي يجيبهم مايقدر عليهم الا التاجر ..
لان ماحد عنده موظـ10ـف يسولف برتغالي .. !!!

~> شطحة : (( عندكم اللي سنتر 8 مرات يكفي ))

’

واتحد أغلب التجار.. لـ اجل اسقاط التاجر والتقليل من كل مايخصه ..
مع العلم انه ماقد جمعهم شي الا كرههم لـ هذا التاجر ( اجتمعوا على كرهه ) .. !

لدرجة ان التاجر له ولد عم قريب منه ..صار اكبر همه محاوله تدمير التاجر الناجح والمكافح ..
بـ خسارته لصفقات والتراخي بها , واعطائها لـ منافسين التاجر الناجح بالسوق على حساب تدمير تجارته الخاصة وخسارته للصفقات ..
ولـ سمعته ومركزهـ بالسوق .. ! ( تفكير عقيم )

وايضا .. صار واحد من التجار يجلس بـ اخر الحي .. ويسولف مع ( بلطجية ) الحي ويقول لهم ..
فهمت رسالتهم وماهو كل شي يعرف يقال .. ويسوي انه انـا اللي عارف كل شي ..
وانا اللي اعرف واعرف واعرف وساكت .. !

لكن التاجر الكبير,
استمر بـ تجارته دون الالتفات للتجار الاخرين ..
وكل صفقة له تكون مدويه لـ خصومة اكثر من الصفقة اللي قبلها ..
ولحد الان مازال متربع على [ عرش التجارة ] ’
الله يوفقة وينصره عليهم ..



.
.

[ ررد (بــ) ررد ]


- تصريح رئيس نادي :
اذا الله كاتب لك رزق وتاخذ الـ 3 نقاط .. لو اجتمع الجن والانس على ان يسلبوا منك الـ 3 نقاط .. والله كاتبها لك بتاخذها ..
* ( " ونعم بالله " ماجبت جديد طال عمرك .. بس وش تبينا نفهم من هالكلام بالظبط ؟ , اذا القصد تشويش فـ العب بعيد )


- فريق ينافس الاهلي على الدوري .. وقلوب دفاعه خريجي مدرسة الاهلي ..
* ( كم انت كبير يـ اهلي )


- عمر الغامدي يتحصل على كرت احمر بتقدير خاطي .. !
* ( هدف صحيح 100 % تم الغائه لـ تيسير الجاسم )

- فريق يحتج عالتحكيم بكل صغيرة وكبيرة وهو المستفيد الاكبر منه ..
* ( اخاف بكرهـ يطلع رئيسهم ويقول : ليه لاعبنا السابق ياخذ كرت احمر !! )

- فريق ينسق لاعب عمرهـ 32 ويجيب مكانه لاعب عمرهـ 28 ومنسق ..
* ( كـاني المح مخبز جديد قريب من اهلينا )


.
.

[ رسالة خاصة ]


- الحين نفترض لو لو لو , فريقك حقق الدوري ..
عندك جمهور عشان تحتفلون بالدرع ؟ ولا بتسوي حفل مصغر بالنادي وتجيب الرئيس واللاعبيه وكم صوره وانتهى الاحتفال ؟
ولا بتجيبون كم شخص ( فاضي ) ويسوون لكم شويه هيصه بالنادي ورقص وطرب .. واخر الحفل ياخذون حقهم ويروحون ؟
وبتوفرون باصات لنقل الاشخاص الراغبيين لـ حضور جلسة الطرب .. عفوا اقصد ( الاحتفال ) .. ؟
ولا راح تفتحون بوابات النادي ..وتجيبون كم راس سواكني وتقلبونها مفاطيح ..ويوقف كبيركم عند بوابة النادي ويحرج :
- | تموا الله يحيكم عشاكم عندنا الليلة |
- | تعال صديق فيه عشاء جيب كلو صديق تعال |
- | تعال يـ زول |
- | اتفضل يـ باشا |

بس بالله لو الموضوع فيه مفاطيح ..
لاتنسى تعزمنا ها

.
.


[ مخرج ]


http://store1.up-00.com/Jan12/X8520613.jpg




:angel:



تحياّتي ’


TURKE