جزاج الله كل خير عبير ..

السلام عليكم ورحمة الله وبركاته ،، جمعة مباركة ..

ممكن تفسريلي هالحلمين ؟؟!

الحلم الأول: حلمت اني كنت مع واحد (ماعرفه فالحقيقه) ورايحه معاه بيت اهله على اساس اني اشوف اهله ويشوفني لانه يبي يخطبني ويوم دخلت بيت اهله كان واااايد كبيييير وحلووو والمدخل من فخامته تحسينه نفس الفنادق وبعدين وداني الدور اللي فوق عشان اشوف الغرف دخلت غرفه كبيرة وشفت بلكونه وقفت فالبلكونه وكانت اطل على شلال وتحته مااي كان المنظر روعه بعدين نزلنا صوب البركة وجاو خواته كانوا 4 بنات كلهم لابسين نفس الشيء بنطلون اسود وقميص ابيض وفوقه جاكيت احمر وحاطين رووج احمر وماشاء الله كانوا جميلات ووايد يتشابهون وكانوا يضحكون معاي عادي بعدين طلعت معاه وشفت امه ومعاها وحده فنفس عمرها تقريباً عرفني عليهم بس امه سلمت علي بيدها بس وحسيتها تضايقت لما شافتني ..

الحلم الثاني: حلمت اني كنت رايحه مع امي واختي مستشفى الولادة ماعرف ليش ؟ وكنا نبي غرفه فاضية ودخلونا غرفه قالولنا ان المريضه اللي فالغرفه بتطلع منها ويوم دخلنا لقيت عندها توأم بنت وولد وماشاء الله كانوا حلوووين وانا حبيتهم وامهم استغربت منها لانها كانت لابسه بدي مفتوح من صوب الظهر استغربت لان شلون نفاس وتلبس هاللبس ..(للعلم امي موحامل واختي مركبه لولب) يعني محد حامل فالحلم ..

عمري 19 مو متزوجه ماادرس ولااشتغل الحمدلله محافظة على صلاتي وماكنت افكر بشيء قبل لاانام ..