حلا النارجيل بستايل غير ...... رؤؤؤؤؤؤؤؤؤعه
حلا النارجيل
بستايل غير
ينفع للمناسبات وللهدايا
طبعاً اناسويت الشغل على السريع حتى اوضح الفكرة
لكن كماتمنى تطلقون العنان لتفكيركم وابداعاتكم
ويارب اشوف منكم احلى حلا نارجيل بالعالم
يالله نبتدي
مثل مااحنا عارفين المقادير
علبة حليب محلى + 3 ملاعق حليب نيدو + نارجيل ناعم + ملعقتين قشطة
تعجن المقادير حتى تتكون لنا عجينة متماسكه نكورها ونصنع منها دوائر ملونة زي اللي راح نشوفة بالصورة
والحين راح نبتدي الشغل فجهزنا العدة والمكونة من عجينة الفوندان + القطعات + القلم + الاسفنجة + الكرسكو حتى ندهن الارضية واحنا نشتغل وايدينا حتى مايلصق بهاالفوندان
نشتغل في زهور الياسمين ب 4 اشكال
نقطعهابهذه الطريقة بعد مافردنا العجينة
ومن ثم نركبها على كورة النارجيل لاحظوا انا مركبة كوره عليها بتله وشي فيها بتلتين وشي فيها 3
وهنا طريقةثانية نقطع زهور صغيره ونضغط عليها في الاسفنجة حتى تعطيني عمق لما اركبها على النارجيلة
شوفوا شلون ركبتها ؛ نسيت ابين هذه الطريقة في زهور الياسمين الاولى لكنها ان شاء الله واضحةهنا
والحين نشتغل في احجار مرجان البحر بهذه الطريقة مثل ماهو موضح بالصورة
وهنا راح نشتغل في القرنبيط ( الملفوف )
بعد ماكورت الدوائر الصغيره فرشتهم بصبع ايدي بحيث تتكون عندي صفحة وحده من الورقة وال**ها على النارجيله ( هي راح تل** من نفسها لان المكونات عادها لزجة وسكر مانشفت )
وأخيراًالشكل الخارجي
وتــــــــــــتــــــــــ ـــااااااا
شوفوا شلون صارت معانا احلى حديقة زهور يارب يطيب دنياكم مثل ماتكلونها زي السكرياسكر
