استخرت الفين مره لين صار القرب خيره
.
.
استخاره
استخرت الله ع وصل الفراق الفين مره
كلها كانت فراق وكان وصلك في الاخيره
يوم شوفت البعد خيره خفت من بعدك وشره
واستخرت الفين مره لين صار القرب خيره
بين موت القلب من فراقك او وصلن يضره
قلت اعيش العمر جمبك لو سقيتيني هجيره
ليه احبك لان حبك ماترك في القلب ذره
كيف احبك مثل ماصدر البحر يحضن جزيرة
كم احبك قد هذا الكون كله والمجره
وين احبك اعشقك في كل ارض وكل ديره
انتي اول وانتي اخر من لها في الروح جره
وانتي اجمل وانتي اعذب من لها في البال حيره
صدقيني كنت اكذب سالفت للعين قره
للين ماقرت عيوني فيك من يومك صغيره
تكبرين وتكبر الاحلام في صدري وازره
خايف افقد حلم عمري فيك لاصرتي كبيرة
وهذا انا يوم كبرتي واقدامي تشره
استخير الله واخاف افقدك وارجع استخيره
خوفتني خطوتي من دربك وماخفت شره
استخرت الفين مره لين صار الدرب خيره
