الهوى سامي .....
الهوى سامي .....
جديدي اليكم وكلي أمل أن تحوز على إعجابكم
الهــوى ســـامي ونــادر من يضـمه صــدره ..... ولا يشـل الحــب من تــرزيه كثر ظـــعـــونه
ايه مـــن حرفـــين لكــن من تصـــلا جــمره..... صــار مكســور الفؤاد وعيشــته مــرهـــونه
كل من شـــل الهــوى مجــبور يشرب خمره .....في شـــغاف القلــب يصــبح جوهرة مكـنـونه
والقـــلـــوب اللـــي تشـــله ما تـثــمن قــــدره .....عــلهــا ما بــين تـــلات الزمــن وطـــعونه
وســط حبات القــلوب أرعــاه مثــــل الشجره..... مــزبــنه عــندي ونــوخت الركــايب دونــه
إن وصـــفـته ما وفيــته مــير موجــــز نشـره .... الوصــايف قاصــرة ما غــير بعض افـنونه
العســل لو هــو عســـــــل مايشـــبهـه بالمـره ..... لن فــيه ألوان والجــــودة مــهــي مضمونه
كل شــــجرة تخــتلف ذا ســدر هــــذي سـمرة ..... طـــعــم ذا ما يشـــبه الثــاني ويفـرق لـونه
العســـل مــن ريقــها مصـــنوع قطـــرة قطــره .... فـــيه أصــل الشــهد لو مــا كان ما يلــقونه
صاحـــــــبي لو نافســـوني حــاز كل الشـــهرة .... ما تخـيـبنـي الظــنــون وكلمــتي مـوزونه
فيــه من كل المــحــاســن ما يــــؤكــــد فــخره ..... كل فـــن وكل حـنــيـــة بـــوسط اعـيـونه
كل يـــوم وكل لحــــظـة يرتقـــي فــي فــكــــره ..... كـيـــف ما آحبـه ونفسه في يدي مرهونه
هــــايمٍ فــي حــــبها واشـــهد مــن أول نظــــــره..... ما ســـلم راسي لأعززها وهي مصيونه
اعــترف له بالهــــوى وابصــم بكل العشــــــــره ... ما عـــرفت الحـــب لولا نفســـه المزيونه
البـــــــروق اللــي تـــــلالا صادرة من ثغـــــــــره .... برجهــــا فوق السحـايـب والملا مغبونه
زان عــقــد المــاس يومــــه منطـــوي في نحــــره ..... إلا ويــــش المــاس لو ما زينه من لونه
ما تغــــلا وإن طلـبـنـي جيت ســــامع أمـــــــــــره .... وما تخــــلا لو يقــولوا صار هو مجنونه
لو يقـــال الصب عنـــي حالف انــي مااشــــــــــره .... ولا حنيـــت الراس لو قالوا غدى مفتونه
كل ما هــــب الهـــــوى جـــدد بقلـــــبي ذكـــــــــره ..... وكل ونــة قلـب تصرخ يا غدي ولحونه
وكل ما شـــميــت وردة قـــلــــــت هذا عـطــــــــره .... وكل مـــا جنـــت حوالك ذكــرتني نـــونه
وكل ما شـــفت الجمــال آقــــــول هـــــذا سحــــــره .... يا عســـــى كل العـــذارى يا مـلا يفدونه
لكم خالص مودتي ,,,, محمد الشمراني
