معليش يافايز النصر اكبر منك
اهلين لكل العالميين والعالميات
ياشباب كثر الكلام الفتره الاخيره عن فايز السبيعي والتمنيات انه يجي وكأن فايز اذا جا النصر دايركت راح ياخذ بطوله انا ودي اقول كم كلمه للجمهور وكلمه للإداره وخصوصا ابو بدر والي يبي ياخذ الكلام ياخذه والي مايعجبه انا اقوله اسف واعتبر انك ماقريت هالكلام .
بالنسبه للجمهور ياحبايبي يضايقني كثير لما أشوف جمهورالنصر يجي بكل طاقته في صفقه وحده وينسى حال النصر يعني في الفتره الاخيره المنتدى تحسه قنبله موقوته اذا ماجا فايز السبيعي راح ينفجر وبالفعل وكأن هالاعب هو الي في يده العصا السحريه الي بتنقذ النصر ياناس الي يتابع الدوري الاوربي ويعرف برشلونه من حارسه فكتور فالدز اكثر حارس يرتكب اغلاط ولا يقارن بحارس ريال مدريد كاسيس وفريقه افضل فريق في العالم ومع مرور الوقت تحسن فكتور واصبح من الحراس المميزين في اسبانيا فقط ، ليه نروح بعيد تعالو للدوري السعودي عندنا الاهلي من حارسه ؟ ياسر المسيليم من اسواء الحراس بدون لايزعلون اخوانا في الاهلي ومع ذلك ماأثر هذا على صدارة الاهلي الي ابي اوصله انه ممكن تكون خيره والخيره فيما اختاره الله لنا الشي الثاني الي لازم نفهمه من هالكلام ان التحسن لازم يكون كفريق كامل يعني المجموعه ( اللاعبين ) لان الفريق اذا اراد المنافسه يساعد بعضه بعض وكل لاعب يشيل الثاني وهذا يكون بالتوظيف الجيد للاعبين عن طريق المدرب وماتورانا فيه بوادر توحي انه جالس ينظف النصر من العناصر غير المفيده للمجموعه وانا من هالناحيه المدرب بدا يطمني ان عندنا شخص على الاقل يطلق عليه اسم فااهم .
ولو رجعتوا لسيفي فايز تلقونه لعب لانديه لو احضره النصر منها لسميتوها افشل صفقه قبل لايقف في مرمى النصر عشان كذا لازم تعرفون ان المجموعه تخدم الااعب الي
( يبي يتطور ) .
بصراحه انتقادي على الاداره الوحيد هو صانع اللعب الي استغرب واحط مليون علامة استفهام ومثلها علامات تعجب على عدم جلب لاعب اجنبي ممتاز في هذا المركز ولا قدرت اعذر الاداره لما طلع ابو بدر وقال ان مالقينا لاعب كويس في هالفتره لان كل اللاعبين مرتبطين مع فرقهم يقصد المميزين حاولت بس ماقدرت وعندي كلمة شكر للاداره لتعاقدها مع بوقاش الي بصراحه ضربه قويه وصفقه ممتازه، اما الباقي مااقدر اتكلم الا لما اشوف .
كلمتي للاداره وخصوصا ابو بدر انا يا ابو بدر من الناس الي تحترم عملك في نادي النصر بشكل كبير جداً ولو ماجا منك يا ابو بدر الا انك خليت الناس الي ماتدفع تطلع والناس الي كانت تبي تعيش على حساب نادي النصر بعدتها بس يا ابو بدر عندي نصيحه لك وللاداره لباقي الموسم الان عندنا في الفريق الاساسي تقريباً اربعه ممكن يسمون نجوم الفريق وهم السهلاوي الغامدي وغالب وممكن نضيف لهم عيد اما الباقي ينتقلون للفريق الرديف حتى نهاية الموسم هالاربعه مع الحارس وانا اشوف الحراس كلهم في مستوى واحد يعني الاختيار بالنسبه للحارس لمدرب الحراس الي مارتحت له عموما عندنا اربعة لاعبين وطلع من الألومبي اربعه يصير عندنا ثمانيه والاربعه اللي من الالومبي الكويسين فقط لاني مااتابع الاولمبي كثير ، هالثمانيه مع الاجانب الاربعه صارو 12 مع الحارس 13 وبكذا يكون عندنا فريق ولاعبين زياده ونضيف لهم من الرديف المناسب للخانه اما السعران او عزيز او غيره من ناحية الاجدر وبس وبكذا يكون ياابو بدر نبدا ندخل الاولمبي منافسات الدوري من هالسنه لأكتشاف الافضل والي يستحق البقاء او التنسيق للسنه الجايه وبكذا يكونون لعبوا على ارض الواقع واطلع عليهم المدرب بشكل واضح مع ان الوضع الطبيعي لدخول الاولمبي هو انهم يدخلون للمباريات والفريق يكون فايز عشان يكتسبوون هالثقافه وتنزرع فيهم وشوي شوي يدخلون في المجموعه بس عاد قدر لاعبينا في الاولمبي يدخلون بهالوضع وبرضه نرجع ونقول مايندرى الخيره وين .
جمهور النصر الحبيب ياليت تكون مواضيعنا دعم واقترحات بدال التجريح الاحباط وان كان على الغصه كلنا فينا غصه لاكن نبلعها لعيون النصر وتعلموا من الناس الي تشتغل للنصر وماتوقف عشان خسارة مباراة ولا خسارة لاعب .
النصر اكبر من لاعب واكبر من فريق كامل ولا كان قفل النادي بعد ماجد ورفاقه .
الأحمر لون الحب .
لكم مودتي واحترامي ،،،
