(افكار / امنيات / رده فعل) مشجع هلالي بتاريخ 1-2-2012 م

بسم الله الرحمن الرحيم

السلام عليكم ورحمه الله وبركاته

طرأ على بالي حال الهلال في المرحله الحاليه.. مايمر به من مواقف و اصابات و تصريحات وامور كثيره مما سببتلي حاله ضغط وسانفجر ان لم اشارك احد فيها من حبي وغيرتي على الفريق.. واني ساقول ما بنفسي وما يريح ضميري وان كان بيزعل البعض مني ف "العذر والسموحه من بدري"...


الامور اللي ابي اتكلم فيها هي: (انضمام شباب الاولمبي للفريق الاول، تصريح الفريدي، ذهاب هوساوي، وضع الهلال)

*انضمام شباب الاولمبي للفريق الاول: هذي هي امنيه الجمهور الهلالي منذ موسمين من اول ما ظهر العابد وشافي واحنا نطالب بلعبهم مع الفريق الاول لان هذه سياسه الفريق الناجح الي ما يعتمد على لاعب.. لازم بعض اللاعبين اللي عندنا يحسون ان في وراه زميل في الاحتياط يحترق يبي يلعب مكانه واذا استهتر في اللي يغطي مكانه.. احنا مو ناقصين اشكال نور في الهلال.. وبعد ما تأملنا خيرا لقينا اداره الهلال تتعاقد مع سعد الحارثي المنتهي فنيا ليأتي ويأخذ مكان ابناء النادي
اللي يحترقون للشعار وكلهم شعله من النشاط والمهاره.. ولنا الامثله في سالم الدوسري والفرج والقرني و عبدالله الدوسري وغيرهم من ابنائنا الابطال...
(وبالنسبه للمستهترين هم: الزوري، الفريدي، المرشدي) (ضعف الهلال: الغنام، نامي، عيسى المحياني، سعد الحارثي)

*تصريح الفريدي: اصلا من يوم ماصرحت انك تبي الفلوس ولا عندك ولاء ولا انتما خسرت الكثير من الهلاليين.. واصلا اذا انت صنفت نفسك انسان بلا ولاء فانت صنفت نفسك خائن.. صدقني التزامك زينتك.. ليتك تلتزم بتصرفاتك المريبه لي على الاقل.. -موقع مع اخو البلوي -لا ولاء ولا انتماء -تنحاش وتسافر للمدينه وتقفل جوالك -ترسل رساله تبي تترك الفريق الهلالي -تطلع انت والعتيبي تصرحون وتسوون بلبله مع موبايبي (هذي التصريحات من ورى الاداره جديده علينا كهلاليين.. ماتعودنا عليها)
> ردي عليك: اصلا احق موب عليك.. الحق على اللي سمح لك تتمادى،، ترى الهلال اكبر منك يا مستهتر.. من اللاعبين اللي كبر منك ولاتسوى ظفرها ما سوت فينا كذا.. منتب قد انك تتسمى خليفه الثنيان..
صحيح انك خلصت لنا كم مباراه.. لكن اسال نفسك من كم كوره تصنعها او تباصيها كم وحده تنقطع؟؟ شف حتى براعم الهلال عطوهم الفرصه اثبتو نفسهم.. لا وافضل منك ب 100 مرره بعد.. لعب سريع، تكتيك، ظهرت شخصيه للفريق...
بدال ما تراجع نفسك على مستواك الفني.. جاي تصرح وتستهتر فينا.. وتبي تساوم النادي على مبالغ يعلم بها ربي.. نقعد نسمع عنها بالجرايد 5مليون في لسنه!!اصلا انت لو ملتزم فعلا وتخاف الله بتعرف انها سرقه..
س سؤال: اللي ياخذ راتب ولا يشتغل ويستهتر في الشغل ويسافر ويقفل الجوال مو حرام عليه قدام ربه؟؟؟ موب سرقه هذي؟؟ "انت انسان غير مسؤول ولا ينشد فيك الازر اصلا.."

*ذهاب هوساوي: رب ضاره نافعه.. اتمنى بقائه لكن تأتي الرياح بما تشتهي السفن.. لكن بحمد الله عندنا رضوان الموسى وعبدالله الدوسري بإذن الله رجال وقدها بقدود..

*وضع الهلال: الحمدلله على الظروف اللي جتنا وخلتنا نفتح عيوننا ونعرف ان يوجد كنز تحت اقدامنا وهم ابناء الهلال
اتمنى مشاركه شافي الدوسري على الزوري..
اتمنى استمرار لعب القرني والفرج سويا.. ذكرتوني بايام عزيز والغامدي..
اتمنى مشاركه البيشي كأساسي..

اخيرا الهلال لن يحقق آسيا باشباه اللاعبين من مستهترين ومن هم دون المستوى..

وللي زعل من كلامي سامحني ولكن حبي للهلال اهم من زعلك من كلامي

مشكورين

ابو منصور