قواعد الأمن و السلامة في بيتي ...(( دعوة للنقاش ))...

مرحبا

في الآونة الأخيرة صار هالموضوع وايد يهمني خصوصا إذا صار في البيت يهال تدرون بعد الوحدة لازم يصير عندها أربع أيادي و أربعين ريل و ستسن عين مفتحة

ما أطول عليكم

الهدف من الموضوع كل وحدة تقولنا شنو نظام الأمن و السلامة في بيتها

أنا عن نفسي


ممنوع وجود الطفل أثناء الطبخ تماما في المطبخ

تقسيمة الأدراج تتغير .. درج السكاكين والأغراض الحادة ارتفع .. و كبت أدوات التنظيف يقفل

الزوايا الحادة بالطاولات تتلبس بربلات الحماية

مفارش الطاولات شلتهم مؤقتا

ممنوع أحد يشب شمعة بالبيت إلا بوجودي

المصابيح الكهربائية مهمة وقت ما تطفي الكهربا .. واحد في الصالة .. واحد يم راسي .. و واحد بالمطبخ .. وبالحمامات عزكم الله و بالأسنسير


البلاكات كلها تتسكر قبل النوم عشان لا يصير حمل كهربا عليهم .. حتى لو كنت قاعده ومو معتازتهم أقفلهم


الخدم (( أيام ما كان عندي خدم لولي )) عندهم رقمي و رقم ريلي و رقم أبوي و رقم عمي الله يحفظهم و يطول بعمرهم


هذا كل ايللي يحضرني حاليا

ولي رجعة ثانية للموضوع انشالله


والحين قولولنا . شنو قواعد الأمن والسلامة عندكم


:eh_s(7):