خدمة $%$ iCloud $%$ السحابه

http://t2.gstatic.com/images?q=tbn:A...ARSZU3KLUGVuWq

رَوْعَةْ iCloud ... السحابه

عبارة عن خدمة حطتها شركة ابل لأجهزتها في نظام ios 5

اهي مثل السحابه تتنقل وفيها
الصور .. البريد .. جهات اتصال .. التقويم .. التذكيرات .. مواقع المفضله اللي محفوظه بسفاري .. الملاحظات .. المستندات والبيانات
تنقلهم بين اجهزتج سواء
ايفون .. ايبود تتش .. ايباد .. كمبيوتر ماك و نظام ويندوز
بحساب خاص لج فيها

انا ما جربتها بس قريت عنها وبحثت عن مميزاتها .. وشفتها وايد تنفع الايفونيات عشان بكل سهوله ينقلون اللي يبونه بين اجهزتهم بدون تعب او برنامج او واير.. مجرد سحابه .

و روعتها في إنها تنقل كلشي تلقائياً .. و سهولة نقل كل اللي تبينه من ايفونج القديم إلى اليديد .. وهم فيها خدمة العثور على الايفون اللي اهي خريطه تبين موقع ايفونج اذا ضاع منج.

بس بعطيكم ملاحظاتي .. وياريت يا بنات تقرونها عدل عشان تفهمونها وبعدها اذا اعجبتكم هالخدمه تنزلونها او لا :

. يكون لج بخدمة آي كلاود اللي اهي السحابه حساب خاص فيج انتي بس .. مو حساب اب ستور ولا حساب ثاني .. الافضل يكون حساب يديد على الآي كلاود.. لانه اذا صار عندج حساب خاص فيج بهالخدمه مستحيل احد يشوف شغلاتج اللي فيها من صور وجهات اتصال وغيرها الا بالايميل والباسوورد اللي سجلتي في الحساب.
. تقدرين تحددين شنو اللي تبينهم ينتقلون بالآي كلاود .. من صور وجهات اتصال وملاحظات والباجي .. وشنو اللي ما تبينهم .. انتي تختارين .
.موقع آي كلاود راح يكون فيه كلشي انتي حفظتيه بحسابج مال السحابه اللي اهي الاي كلاود .
.خدمة الـ iCloud تعطيج خمسه غيغا مجانيه كلها لج واذا تبين اكثر تقدرين تشترين مساحه اكبر.
.هم عن طريق الآي كلاود راح نلقى البرامج والميوزك و الكتب اللي شريناهم موجودين.
. على طول تتحدث الشغلات الموجوده مع كل تحديث لها عندج حتى جهات الاتصال.
.اذا لاحظنا بالاب ستور موجوده علامة السحابه .. يعني نقدر ننقل البرامج بالسحابه لأجهزتنا الثانيه اللي نبي نحط فيها هالبرامج.
.نقدر نسوي باك اب عن طريق الـ iCloud.

شوفو هالفيديو .. طريقة فتح حساب بالاي كلاود و هم جم معلومه عنه .. وبعطيكم موقع الـ iCloud عشان تتابعون مع الفيديو .

هذا الموقع :
https://www.icloud.com/

هذا الفيديو :
http://www.youtube.com/watch?v=bmsqq...dTW42VMK3nVWyS



وأي استفسار عن الخدمه انا حاضره .. اهي حيل سهله ..اذا الفيديو ما فهمتو منه شوفو في فيديوهات وايد بس انا حسيت انه هذا وضح كلشي.

وتستخدمونها بالهنا :eh_s(17):