ضروري ابي خدامة ايجار شهري بالشرقية - ابيها تكون عندي خلال اسبوع
السلاااااااام عليكم
الله يخليكم ضروري ابي خدامة قبل تاريخ 19 ربيع اول ب 3 ايام عالاقل
ولو قبل يكون احسن
انا الحمد لله طلعت لي وظيفة وببدأ مباشرة الوظيفة بتاريخ 19 ربيع اول
عندي بنتين
وحدة 4 سنين والثانية شهر فقط
الكبيرة تروح لحضانة تعليم لغة انجليزية من 8 الصبح الى 12 الظهر
يهمني ان الشغالة تكون نظيفة وعندها طولة بال وصبر عالاطفال
خصوصا انو بناتي الثنتين نحيسات شوي
الكبيرة عنيدة وتبي تسوي الشي بمزاجها والصغيرة نحيسة وكله تصيح بسبب وبدون سبب
وابيها تعرف تطبخ انواع الغدا والعشا
انا للان ما ادري كيف دوامي من الساعة كم للساعة كم بس أتوقع من 7 او 7 ونص الى الساعة 4 العصر
لازم تجلس الصبح قبلي بنص ساعة حتى تجهز الفطور لي ولزوجي وللبنت الكبيرة
ادري قرقرتي زايدة بس حتى نكون على بينة
وانا ساكنة بشقة صغييييرة مررررة ما بتتعبها بالتنظيف
ياليت السعر ما يتجاوز 2500 ريال
لأني يمكن اخذها شهرين على حسب متى بتجي خدامتي
بقدم على خدامة فلبينية وما يندرى متى بتجي اتوقع تاخذ لها شهرين على ما تجي
انا بالدمام ساكنة
لو في وحدة بالاحساء تأجر وعادي نوديها للدمام انا اقدر اجي للاحساء اخذها
لأن اهلي ساكنين بالاحساء
