صـدمـة قـويـة من اتيلية انجفة ( بدور المانع )

السلام عليكم ورحمة الله وبركاته

::

بنات بدش بالموضوع ع طوول لاني محتره حره عمري ما احتريت جذي بس شقول غير حسبي يالله ونعم الوكيل

يا كثر ما اقرأ سوالف البنات وصدماتهم بالتعامل مع الأماكن المشهورة وللاسف اليوم جه دوري وانصدم مثلكم :eh_s(11):

بنات اليوم قررت اروح اشوف الاتيليهات ويوم قررت قراده حظي اني بديت باتيليه انجفه (بدور المانع)

معنى مو بنيتي امره بس قلت دام اني بالسالمية خلني ادش اشوف يمكن يعجبني شي دام البنات مادحينه بكويتيات

المهم دخلت للاتيليه وقالتلي الفلبينيه تفضلو شنو تبين فستان ابيض ولا اوفوايت ؟ والفلبيبنه سجلت رقم تلفوني عندها عساس أول مره اتعامل معاهم

المهم قتلها ابيض وورتني أكثر من نفنوف المهم في واحد اوفوايت عجبني وقتلها هذا حلوو

جان تقولي خلاص قيسيه اهو والثاني قتلها أووك

المهم كانت في بنت أختها عروس قاعده يمي .. قعدنا اندردش اشوي جان اقولها شرايج

بشغلهم طبعا انا داخله مو عارفه ولا شي عن الاتيليه جان تقولي حلووو بس نفسيتهم

زفت من يستلمون فلوسهم ما يهتمون فيج ولا يدقون عليج يقولون اليوم بروفا ولا أي

شي حتى اختي كاهي اسأليها وفعلا قالت نفسيه ومواعيدهم اخرطي حتى في عروس

ثانية كانت قاعدة أأكدت هالحجي

اشوي إلا الفلبينه قالتلي يلا حبيبتي تعالي قيسي الفساتين اللي اخترتيهم دخلت وقستهم

حلوووين بس طبعا في أحلى بالاتيلهيات الثانية المهم في فستنان قسته قالتلي الفلبينه

هذا رووعه احلى من الاول جان المصريه تقول دقيقه انادي لج بدور عشان تشوفه

عليج جان تجي وتقووول واااااو مو طبيعي ياربي اشحلاته اينن يطير العقل ( وانا اقول

بقلبي اوكي حلوو بس مو لهدرجه عاد ) وامي قاعده مستغربه من المدح بالنفنوف

مطيره شغلها ع الفاضي المهم قالتلي هذاا وايد حلو بس اغيرلج لونه واسويه لج ابيض

واشيلج الريش اللي تحت واحطلج لولو واشيل واحط واحط واشيل وكل هذا ما خذت

رأيي اذا اساسا مقتنعه فيه او لا اتشووور نفسها بنفسها جنها اهي العروس

المهم عقب ما فصخت الفستان .. قتلها بجم تحسبينه لي ؟؟ جان تقولي ب 2،500 قتلها

لا غالي انا من الأول قتلج ميزانيتي ما اتعدا 1,500 جان تقول خلاص نهايته ألفين

عاد قلت لأمي ها يمه اشرايج جان امي تقول خلاص باجر تجيب خواتها ويشوفون الفستان ويقررون

جان تقول لا يا حبيتي انتي جايه متأخر وعرسج شهر 4 يالله يمدي اخلصه لج تبين ولا ما تبين الحين قرري >>>> :eek:

جان اقولها عطيني فرصه لباجر واردلج خبر جان تقولي خلاص مو لازم لااااااا تجيييين الاتيليه مره ثانيه وعطتني ظهرها ومشت ..
طبعا قدام زبائنها والحريم كانوا قاعدين وسامعين

والله يا بنات جنه احد طاقني طرااااااااااااااااق :eh_s(12)::eh_s(12): تطردني من الاتيليه !!!! هذي من صجها

وامي مسكينه مصدوووومه ومو مصدقه اللي قالته لان ولا مره رحنا مكان جذي تعاملهم

ش هالوقاحة والهلاقة وقلة الأدب امحق تعامل مع الزباين وين قاعدين

داشين باحترامنا وفلوسنا ويطردونا جنا نشحذ منهم ... :eh_s(14):

هذاا انجفه اللي تمدحونه وتقولون حبوبه امحق حبووبه هذي مجنونه متخلفه وشغلهم مو ذاااك اغلب الفساتين عفا عنها الدهر

تتعامل مع العالم بالآولوف وتبيييج توافقين من أول نظرة اشدعوه عليها يعني مو معقوله من أول اتيليه بوافق وارضا هذي ليلة العمر

والله انها احرقت دمي وانا بعز وناستي والله اني اكتب الموضوع ودموعي تنزل من حر ما فيني حسبي يالله ونعم الوكيل فيها مو مسامحتها جانها بجتني وفشلتي قدام الحريم

الصدمة الثانية : دقت على تلفوني بعد نص ساعه >>> يا قوو قلبها طارتني وتدق .. جان تقولي بعصبيه وبصوت عالي :

شوووفي اقولج البدلة دام في عروس ثانية تبينها ومادري شنو اقدر اعطيج اياها بسعر أقل المهم ما سمعت منها عدل لاني ماني مستوعبه انها

تدق على وحده طارتها جان اقول : اختي انتي طارتني من الاتيليه ودموعي على خدي وادقين علي واسمعت صوتي وانا ابجي بجيه مقهورة !!
جان اتصكه ابوجهي اللي ما تستحي :eh_s(14):

يحليل امي ،، مسكينه عبالها داقه اتأسف وتعتذر.. هالاشكال وينهم ووين الأعتذار

كرهتني بالاتيليهات توني بادية بالفراراه وضيقت خلقي :eh_s(11): :eh_s(2):

بليز بنات طمنوني اذا في اتيليهات بهالتخلف قولولي عشان لا أمرهم ماني ناقصه صدمات وعاهات .. الحمدلله والشكر

وسامحووني طوولت عليكم بس من حر ما فيني :eh_s(17):