ماني عارفه شفيني

السلام عليكم شلونكم حبايب قلبي ؟

بنات انا عروس صارلي تقريبا 3 اشهر وطول هالاشهر كنت بنت كانت هناك محاولات بس ربي ماكتب الدوره الثالثه وانتو بكرامه تاخرت علي وانا طول عمري من بلغت دورتي منتظمه كانت المفروض تيني 9 يناير ومانزلت كنت احس بالامها بس موراضيه تنزل بعدها بيوم يعني 10 يناير صار جماع ونز مني دم وماكانت قليله خفت اول شي بي قلت اكيد هذا الغشاء نفض بس الغريب كان انه بعد ماوقف الدم على طول نزلت مني افرازات بنيه لونه فاتح الصراحه كنت شاكه اذا كان هالدم دم بكاره او دوره تمت الافرازات البنيه تنزل علي بشكل خفيييف لغاية 13 يناير عقبها شرفت الدوره يعني تاخرت 4 ايام وهذي اول مره تصير .. الحين خلصت دورة شهر يناير 17 يناير انا دورتي 5 ايام وحسبتها لشهر فبراير المفروض تيني 9 فبراير انا احسبها كل 28 يوم تمينه جم يوم كان هناك جماع والامور طبيعية المشكله انه امس حصل جماع ونزل علي كمية دم اكثر من المره اللي قبلها واايد مادري ليش اخترعت فلت انا مو وقت دوره عيل اكيد الدم اللي نزل المره اللي قبلها كان دم دوره لانه كان موعدها وهالمره انا صرت حرمه رسمي بس الغريب بالموضوع انه تم ينزل علي افرازات بنيه بعد الدم نفس الشي لونها فاتح ومستمره معاي ليلحين واحس بتقلصات غريبه بنات شسالفة الافرازات البنيه ؟ هذيك المره قلنا يمكن موعد الدوره هالمره شسالفه ؟؟

ادري طولت عليكم سامحوني وطمنوني :(