ظاهره في الجبيل اتمى ان تزووول ونرتاح منها

السلام عليكم اخواني جميعا

واسعد الله مسائكم او صباحكم

الموضوع ومافيه من غير مقدمات وزعفران البارح وانا اتمشى بالليل شفت مجموعه من الشباب ومعهم شموع وراكبين سكيتي ما ادري وش قصدهم فيها

انا كنت اتمشى ورى مطعم اليخت مكان جميل للمشي ..ماعلينا المهم جتني اللقافه ومسكت واحد منهم قلت يابو وش موضوعكم ناظر فيني ومسوي نفسه اطرم يهز يده

انا سكت ومشيت

المهم وانا رايح البيت عند الاشاره الا واحد مر علي وماسك شعله يمشي فيها وفيها نار ويركض

فما ادري وش قصتهم هذولا

عموما اتمنى انها تزول هذه الظاهره السيئه مع صوت الكناداسات وتفجير الدبات الي بالسياره وازعاجها

تحياتي لكم جميعا ولكم الود والاحترام