والله ان لم يكن لكم وقفه ضد مايصير فالسلام عليكم - الفروقات حقنا وهدفنا
السلام عليكم ورحمة الله وبركاته
اخواني واخواتي معشر المعلمين والمعلمات
مهزلة واستخفاف بالعقول من مجموعات قامت تتلاعب على هواها فتارة يظهر الوزير وتارة الفهيد وتارة الحميدي واخيرا وليس بآخر طقة جديده من مجلس الشورى .
ليش .؟؟ هل ذنبنا اننا اصبحنا معلمين .؟
مادام يبون المعلم رسول منزل من السماء وزادت الضغوط والاختناقات واحنا لازلنا نتفرج .؟
مرة حقوق المعلمين ومرة الخبرات الاهلية ومرة الرخصة ومرة سوبرمان ومرة النقل الخارجي ومرة الحرمان من العلاوة واخيرا مكافأة نهاية الخدمة
ليش يتم التعامل مع المعلم دائما بمبدأ العقاب ولا يوجد ثواب ؟؟ اليس المعلم بشر في الاخير ليش الاستحقار الذليل
ياناس انا تعبت نفسيا والله العظيم من كصر مااشوف التطاول على المعلمين في التعاميم وفي وسائل الاعلام كأن المعلم اصبح عامل نظافة الكل يعلق علية اخطاءة .
قالو ان المعلم يحتاج الى تدريب ورفع كفاءة طيب وش ذنبي انا ؟؟؟؟؟؟؟؟؟ انا درست في كلية المعلمين وآخذ دورات في مركز التدريب بشكل مستمر
طيب اذبح نفسي ؟؟؟؟؟؟؟؟ هذي الاشياء المتوفرة فقط شككو في مصداقية المعلم وفي امانته وفي الاخير يطالبون بأشياء خرافية
يانااااااااااس ياعااااااالم الانسان طاقة بعدها ينفجر ؟
نسو كل مشكلات التعليم كأنه لايوجد مشاكل في المباني المدرسية نسو تكدس الطلاب نسو انه في مدارس لاتصلح للتعليم نسو مشاكل الحقوق وتفرغو فقط لهذا المعلم
يااخوان انا اقولها لكم اليوم ان لم يكن هناك وقفه حازمة من المعلمين والله لايسير الوضع اسوأ من اول
ليش كل مايطلع مسؤوول في الاعلام يشترط على المذيع عدم سؤاله عن النقل الخارجي وعن المادة 18
ويبدأ بفرد عضلاته على التشكيلات المدرسية وعلى المباني فقط
هل هي عملية انتقام فقط؟ عشان المعلمين طالبو ببعض الحقوق ؟
اخواني قد اكون اصغركم سنا واقلكم خبرة في مجال التعليم ولكن اصبح الوضع لايحتمل ابدا
اذا لم نحدد لنا موقف واضح ضد مايصير فقووولو على انفسكم سلاما دار قوم مؤمنين
انتم فقط معشر المعلمين من تقررون كثير من الامور ولاتنتظرو شي سينزل لكم من السماء
سعادة وكيل الشؤون المدرسية اقول لك اتق الله فلو دامت لغيرك مااتت اليك
سعادة مدير الشؤون المالية والادارية اقول لك اتق الله فاليوم دنيا وبكرة آخرة
فالمعلم درس تحت توجيه القيادة ودرسنا تحت اشراف الوزارة وتخرجنا من كليات المعلمين التابعة للدولة السعودية ولم ندرس في دولة اخرى حتى تشككون في مصداقيتنا او في امانتنا
اخواني معشر المعلمين اعذروني على هذا الكلام ولكن هذه الحقيقه المرة والواقع الاليم
والسلام عليكم ورحمة الله وبركاته
