يبيلي تعديل من فوق لي تحت حطي منحبطه تكفون ساعدوني
السلام عليكم كويتيات
انا اليوم يايتكم وانا متأمله انكم تساعدوني لاني حييييل فاقده ثقتي بنفسي وتعبت
اعاني من وااايد مشاكل ماني عارفه شسوي ولا شلون اعدلها
انا باكتب لكم كل الاشيء اللي مضايقتني بنفسي
واتمنى لو يتصلح واحد من المشاكل الي عندي على ايد كويتيه من منتداي كويتيات وانا وايد متأمله انكم ماراح تخلوني
ادري قرقت وايد بس من حر ما فيني والله
اول شي ببدي بشعري:
انا وايد اهتم فيه بس للحين ما عدلت فيه ولا شي للاسف :eh_s(2):
انا شعري ناااشف وهاذا شي وراثه حاولت اعدل فيه و مو راضي يتعدل و صاير وايد يطيح مع انه كثيف وايد بس ما منه فايده اذا كان كثيف و مو ناعم والحين بعد طالعتلي قشوور مادري من وين والي زاد شعري و عفسه زاده اني مستحيل اغسل شعري بدون ما اسويه استشور و استريت لاني ماحب اقعد و شعر معفووووس وادري انه هالشي قاعد يضر شعري زياده بس شسوي
ملاحظه >> استخدم الحنه حق شعري
بشرتي:
انا وحده واثقه انه ملامحي حلوه بس فقدت كل شي والسبه ويهي بشرتي دهنيه و مو صافيه كلش خشمي لون وصوب شواربي لون عفسه عفسه هاذا و غير الحبوب الي لاعبه لعب بويهي و سواد بجفوني :eh_s(2):
الكارثه الكبره جسمي :rgewrg: :
الاندر ارم عندي حدث و حرج متعبتني هالمنطقه ووايد انحرج منها سواد مو طبيعي كلش :eh_s(2):
وهالمنطقه تعرق عندي بشي مو طبيعي حتى لو اني ميته من البرد و اطراف جسمي بااارد بس الاندرارم تعرق الي والله يا بنات لما اطلع ما البس الوان من كثر ما انا اعرق بس هالمنطقه الي اعرق فيها بزيااااده و حتى العروس اغلبهم ملابسي لونها اسود وغير السواد الي يفشل :eh_s(2):
المنطقه الحساسه و بين الافخاذ
هاذي لها سالفه طوييل انا فيني حساسيه من القطن و الموس ادري بتقولون شكو هاذا بهاذا
انا اقولكم من شهر تقريبا ييت وشلت المطقه بموس وانا ادري انه فيني حساسيه منه بس قصبا علي لاني مادري بشنو اشيل و الشيره وايد يقولون مو زينه حق هالمنطقه لانها تقتل الخلايا
المهم شلت بموس و ثاني يوم ياتني الدوره يعني قطن وانا مشكلي مع القطن
على طول حاشتني حكه بالمنطقه كلها و بين الافخاذ الي قلت بس انا بموت و السبه الحكه الي فيني من كثر العوار الله لا يوري وحده فيكم الي انا اشوفه للحين حتى اللي والله ما اقدر انام من العوار و الحكه تيني ايام ابجي والله اني مرات اتفزز من النوم من كثر العوار و غير الدم من الحساسيه و الحكه يعني المنطقه ميته مره وحده
عاد عقب كل هاذا من الطبيعي ياني سواد الي من اشوفه ابجي على حالي
والحين اتمنى من كل قلبي انكم تساعدوني لاني وايد فقدت ثقتي بنفسي
واتمنى من الي تدخل موضوعي مو شرط انها تساعدني بس تدعيلي اني اتخلص من البلاوي الي فيني و ترد ثقتي بنفسي
واللي تساعدني لها مني ادعيلها من كل قلبي
احبكم لله:eh_s(17):
