لماذا المفاوض النصراوي دائما يرقل .....والسبيعي مثال حي أمامنا ...!!

سبحان الله من عهد فيصل بن عبدالرحمن..ووقت الرغبة بالتعاقد مع بشار والهويدي ..ومفاوضين النصر يرقلون كنهم داخلين سوق غتم مهوب سوق لاعبين محترفين...

اما تطول فترة المفاوضات مابين شد وجذب ..حتي يطير اللاعب ....او يجيك لاعبين مضروبين ..اما يكون مصاب ..او له ست شهور ماطق كورة..او مستوي كنه وجهه ...

حاولت اقلب الامور وانا انتظر انهاء التعاقد مع السبيعي ..يمكن القي سبب يقنعني ليش دائما المفاوضين النصراويين يرقلون يعني وده وماوده ..او متردد وخايف ..

المفاوضات لها الان اكثر من شهر ولم تحسم ...الاسباب غير معروفه ..قد تكون من اللاعب ..وقد تكون من المفاوض ...!!

قد يكون ضعف السيوله سبب ولكن احيانا تكون المادة متوفرة مثل السبيعي وحسب تصريحه واضح انه تلقي عرض جدي وموافق لكن ينتظر رأي ادارة ناديه النهائي..وفي امثله اخري يكون السبب مادي ....ولكن ليس كلها ..

انا في رايي الشخصي الخصها في ثلاث نقاط ...:

اما ان المفاوضين اشخاص غير مؤهلين ..أوالادارة تعتمد علي ناس تثق فيهم وهم مهوب قد الثقه وبالتالي تكون المفاوضات غير جديه دائما..!!

أو ان هناك اشخاص يحاولون دائما تخريب صفقات النصر ..سواء كانو نصراويين من الاحزاب الاخري وياكثرهم...او من اندية منافسه خاصه في بعض المراكز المهمه ..

ومعروف كيف يتم التخريب اما بالاتصال باللاعب عن طريق اصدقائه ..او الاتصال بوكيل اللاعب وتخويفه من الفريق ..

أو ان السبب مادي بحت وبالتالي يتخوف المفاوض من التفاوض لعلمه علم اليقين ان اللي وراه ناس مهوب ثقه في كلامهم ومهوب عند كلمتهم ..يعني يتغيرون في اي لحظه سواء في المبلغ او في مدة العقد وغيرها .....

انا رايي الشخصي الثلاثة اسباب جميعها ......علي العموم انا غير متفاءل بانهاء الصفقه لاسباب كثيرة احتفظ فيها لنفسي ..وعسي انا يخالفني المفاوض هذه المره ..لاني اري ان فايز هو بداية الطريق لتصحيح وضع الفريق ...وهي نقطه ضعف اشتكي منها النصر كثيرا والجمهور والمدربين يعرفون هالشي الا الادارة لم تفهم الا الان ...!!

شكري وتقديري للجميييع ...