كل شي لازم تعرفونه عن Rabies "داء الكلب"

السلام عليكم

من زمان كان بخاطري اتكلم عن هل مرض لان صج مرض خطير و بعض مربين الحيوانات يجهلونه الي اهو Rabies "داء الكلب"

اول شي شنو اهوا الRabies او داء الكلب؟

اهو مرض فيروسي و شديد العدوى من حيوان الى حيوان و من حيوان الى انسان بعد
هذا المرض يأثر على الجهاز العصبي للحيوانات و البشر الي يكونون على اتصال مع حيوان مصاب في داء الكلب
و طبعا داء الكلب يقتل الحيوانات خلال 10 ايام و البشر كذلك
مو شرط الحيوان ياخذ*المرض من حيوان مصاب لا المرض اهو يطلعله طريقة ان يدش في جسم الحيوان خلال الخدش او غيره


منو اهوا الي ممكن يصيبه داء الكلب؟

الحيوانات الي بالشوارع و برا البيت عامتا اهما اكثر حيوانات يصيبهم هذا المرض
بس مو معناته ان الحيوانات الي في البيت مايحوشهم لا
الحيوانات الي مو مطعمه ممكن يحوشهم هل مرض بنسبة 90٪ و الي مو مطعمين و يخلونهم يطلعون بالحديقة او خارج المنزل 95٪ يحوشهم
القطط, الكلاب, الحصن لازم يتطعمون مو بس حقهم حتى حقكم انتوا :)
الحيوان الي يكون مو مطعم و صار في داء الكلب مافي امل ان يعيش

شلون تعرفون اذا قطوتكم فيها داء الكلب؟

طبعا اعراض داء الكلب وايد صعب انكم تكتشفونها لان يبيله مده على ما ينتشر و يوصل المخ .. ساعات تشوفون الاعراض فورا و ساعات يبيلها اسابيع او اشهر عشان جذي خطر لان ممكن يكون فيهم و انتوا ماتدرون و يعادونكم بعد
فترة حضانة المرض هي 9-51 يوم

غزو الفيروس يحدث في مراحل عدة من يدش المخ
الفيروس بطييء الحركة من يدش في مخ القط الفيروس ينتقل الى الغدد اللعابية
هذي اهيا مراحل الاعراض:


1-المرحلة الاولى
عادتا تستمر من يوم الى يومين , تعكس شخصية القط يعني مثلا
اذا كان القط عدواني و سلبي يصير حبوب
و اذا كان القط ودي يصير خجول
و القط راح يحاول يلحس مكان دخول الفايروس و جذي يصير وضع البشر و الحيوانات الي معاه جدا خطر

2- المرحلة الثانية
القط يصير عصبي و عدواني
و راح ياكل اشياء ولا عمره جرب ياكلها حتى لو كانت جماد
و في هل مرحلة عادي جدا ان يهجم على الشخص الي عنده حتى لو كان اهو المربيه :eh_s(11):


3- المرحلة الثالثة
هذي اخر مرحلة في داء الكلب
القط راح يموت بسرعة بسبب فشل في الجهاز التنفسي :eh_s(11):
راح يتجنب شرب الماي
و راح يكون في لعاب بشكل كبير تطيح من حلجه
و راح يصير صعب عليه التنفس
و راح يكون القط ماله خلق ولا يبي ياكل :eh_s(11):



اعراض داء الكلب في الكلاب

1- المرحلة الاولى
الكلب راح يسخن (حمى)
يفقد الشهية
يتغير سلوكه
صوت النباح عنده يتغير
يعلج مكان الي دخل منه الفيروس



2- المرحلة الثانية
يصير عدواني وايد
ماتقدرون تسيطرون عليه كلش
ينكسرون اسنانه بسبب ان يعض اشياء وايد قوية
يعض وايد
يصير قلق
تايه و غير مضبوط



3- المرحلة الثالثة
يختنق وايد
فكه الي تحت كله طايح
مايقدر يبلع الاكل
دايما في رغوة و لعاب في حلجه
شلل في عضلات الفك و الحلج و العض

الارانب ممكن يصير فيهم بس قليييل و نادر جدا مو مثل الكلاب و القطط

اعراض داء الكلب في الارانب:


يسخن (حمى)
يصير عمي
يصير عنده صعوبه في البلع
يفقد الحركة او ينشل
القلق أو التهيج أو العدوان أو غيرها من التغيرات السلوكية
ترهل الفك

و طبعا الكويت او الخليج عامتا فيهم هل مرض مو مثل امريكا و اوروبا و استراليا هذيل Rabies free countries

الغرض من هل موضوع اول شي سلامتكم و سلامت الحيوانات
و ثاني شي ان الي يشتري حيوانات و مايطعمهم هذا يكون في خطر كبير جذا لاتستهينون في هل مرض جدا خطر هل مرض ف رجاء انكم تطعمون كل الحيوانات الي عندكم و تديرون بالكم عليهم و انتو اتديرون بالكم على نفسكم