حلم غريب جدا...

السلام عليكم ورحمة الله وبركاته ..
الله يجزاكم كل خير ياريت تفسرو حلمي ومشكورين .
الحلم الاول : احلم اني ابغا استشور شعر اختي وكنت اقسمو لخصل بس الخصل ماكانت متناسقه ولامضبوطه والخصل كانت كأنها جايه بالطول وبعدين يتغير الحلم بسرعه بأنو شعر اختي مغطى بكيس ابيض وانا فوق الكيس احط روج احمر غامق وامشي الروج على الكيس بس عشان الكيس بلاستيك يسير اللون فاتح مرره وارجع اعيد عليه واختي التانيه الكبيره تقولنا لاتروحو بيت جدي لانو بنت عمنا واسمها الحقيقي(الاء) مخطوبه لواحد وكل شويه تترك الناس جالسه وتروح مع خطيبها حتى ماتعزم احد *معاها وكان قصدها مننا احنا البنات او جداتنا وفي الحلم كأننا كنا حنشيل معانا تلاجة شاي وحاطينها عند الباب *بس اختي تدخلها جوا عشان ماتبغانا نروح *وانا في الحلم كنت مستغربه من اختي واقول في نفسي من حقها ماتعزم احد احنا ايش دخلنا ومستغربه من انها دايما تخرج معاه لحالها وهيا لسه مخطوبه مو متزوجه وبعدين اسأل اختي واقولها هي خطيبها من بيت مين واختي تقولي خطيبها من بيت (العوني) وانا اقولها غريبه مو من بيت ( الذيباني) تقوم تقولي اختي لا واحده تانيه اللي من بيت الذيباني يا (روان) *بس مو (الاء) قصدها على احد من قرايبنا او انها قالت اللي ماخده من بيت الذيباني ( روان) وقصدها على احد تاني مو عليا انامو متأكده حقيقه باللي قالتو بالضبط هوا يا الجمله الاولى او التانيه وانا في الحقيقه اسمي (روان) وكنا في الحلم نتكلم واحنا جالسين قدام المرايه .
ملحوظه: العائله الاولى اصلا ما اعرف هل هيا فعلا اسم عائله او لا اما العائله التانيه فعلا اسمها موجود بس مانعرفهم .

بياناتي انا واختي اللي كنت اصلح شعرها : غير متزوجه/غير موظفه/ حالتنا الدينيه متوسطه /طالبه جامعيه.(احنا توأم).
بيانات اختي الكبيره: متزوجه/ غير موظفه/ لاتدرس/حالتها الدينيه ملتزمه.
بيانات بنت عمي: غير متزوجه / غير موظفه/طالبه جامعيه / حالتها متوسطه .(بنت عمي تصغر مننا بسنه) .

الحلم الثاني لأختي على لسانها :حلمت اننا في بيت كبير فيه حوش وكنا كلنا اخواتي وماما وخالتي وفي حرمتين (سمرجدا جدا) وكأنهم افريقين لكن يتكلمو عربي واحده واقفه معانا وواحده جالسه بعيد عننا ، واللي جالسه بعيد عننا كأنها جايه تخطب مننا انا واتنين من اخواتي واخواتي كانوا متلبسين ومتصلحين بس انا كنت عادي بملابس البيت وقلت في نفسي احسن اصلا انا ما ابغاهم لانهم سمر واصلا في الحلم كأنو واضح انو ماما ما تبغاهم ، وبعدين ماما تقول للحرمه اللي كانت واقفه معانا دوري 7 مرات قصدها في نفس مكانها وهيا واقفه او اونها هيا الحرمه دارت بنفسها من غير ماما ماتقولها ماني فاكره تمام . وبعد ماتدور تقولنا على الحرمه التانيه اللي كانت جالسه بعيد عننا هذي جايتكم من اللفه وقصدها من البيت من ورا وكأنها قرأت تفكيرها وبعدين انا اقول كيف ماما تتعامل مع واحده كهانه قصدي عرافه وانا كنت حاسه ان الحرمه مو كويسه بس ماما كانت تتعامل معاها كأنها صاحبتها او واحده تعرفها وكان شكل ماما حلو وصغير في الحلم وبعدين يتحول الحلم كأننا في الصالون وكانوا صالونين مفتوحين على بعض انا واخواتي وماما وخالتي *في صالون والحرمتين في صالون تاني لوحدهم بس جالسين مقابلنا وكأن ماما ماتبغاهم وحتردهم وبعدين خالتي تقول بضحك ( ايش نقولهم ايش نقولهم) وكانت معانا بنت خالتي الكبيره بس ساكته في الحلم ماكانت تتكلم وبعدين انا واخواتي وماما طالعنا في خالتي وضحكنالها بس كنت اقول في نفسي مو وقت الضحك دحين وكنت بروح ادخل غرفة اخويه بس لقيت نفسي روحت المطبخ ووجدت الحرمه اللي كانت جالسه في الحلم بعيد عننا وقلتلها انتي ايش جابك هنا اطلعي برا البيت وبعدين تجري ورايا تبغى تمسكني وانا خرجت الحوش اجري وجات الحرمه التانيه وراها تساعدها وتلحقني وكانت تقولي عبارة ( بعطيكي كاويه ) ومسكتني رغم اني كنت اجري بقوه ولمن صحيت من الحلم كنت معرقه جدا واذني تخرج منها حراره مع العلم البيت اللي في الحلم كان كبير مرره وفخم وفي الواقع مو بيتنا واصلا بيتنا مافيه حوش .
وكنت نايمه وانا اسمع رقيه قويه ومؤثره جدا .
بياناتي: انا واخواتي غير متزوجات، طالبات جامعيات، حالتنا الدينيه متوسطه*
وخالتي : متزوجه، ولديها اطفال، تميل للالتزام نوعا ما ، وغير موظفه .
وبيننا في الوقع احنا وخالتي مشادات.*
وجزاكي الله خير