قصة الاميرة خيالية

القصة بدت لما طقت تسبد أمي وابوي مني (مدري وش سويت لهم أنا )

في يوم من الأيام أتصل صديق قديم لأبوي كان عايش في بريطانيا من زمان
وشكا له أبوي مني (مع أني للحين مدري وش سويت له)
فأقترح عليه صديقه أني أجي لبريطانيا كم شهر أتعلم لغة ومنها أنزلع عن وجه أبوي (مع أني مدري وش سويت له)

رحت لبريطانيا وكان أبوي حاجز لي درجة أولى (ألا قولي مالقى سياحيه وماهو ب منتظر لين يفضى لتس مكان فيها )
ركبت الطيارة ومن الوناسه أني اول مرة أركب طيارة ماغير بس أتلفت
لين أفترت رقبتي وبلشوا فيني مالقوا فكس بالطيارة
مليت من القعدة ومير أقوم أدوج في عُرصات وجُنبات الطيارة (أتحدى تطالبني بحقوق النشر ياسحر الكلام )

مريت على المضيفات أسألهن من اللي عليها التقليط اليوم يمكن تبي عونة وألا شيء
ثمين مريت على الكابتن وسألته بأي محطة بيوقف علشان أبي دورة المياة ؟؟
قال الكابتن للمضيفة: ضفيها عن وجهي لأ اللحين أخطف الطيارة
وأدور أي عمارة طويله وأصدمها (حرام عليه ماسويت له شيء)

كملت دوجاني ومير أروح لمكان مافيه ألا واحد مزبطر (أتحداكم تعرفون معناها) بلحاله
بيني وبينكم رحمته المسافه بعيدة ومامعه أحد يوسع صدره
ومير ألبط بجنبه فز الرجال وقال:وش صار مطب هوائي وألا هبوط مفاجىء
(حرام عليه ماسويت له شيء)
قعدت أسولف معه وسالفةً تجر سالفة ومير أعرف أنه أحد مستشاري الملكة اليزابيث
وأنه دايرً العالم يدور بنت ذات مواصفات خاصة علشان الملكة تبي لها بنيه تقوم بها تالي عمرها(حشا ذي مب ملكة ذي جدتي )
قلت أيه والله جاك يامهنا ماتمنى
بلا دراسة بلا كلام فاضي أروح أقعد مع الملكة أوسع صدري وأضيق صدرها
أُعجب جورج <--------طيحت الميانه فيني وبخفة دمي (تبطين ياللبخه )
قال: بأخذتس معي بس أياني وأياتس تفشليني
قلت : أبد ماعليك

وصلنا بريطانيا وبالتحديد مطار هيثرو بلندن هذا اللي أذكره لأني من وصلت والعالم محوطيني من كل مكان (تعتيم أعلامي)
وخم بط وأنا بقصر بكنجهام ومير تقابلني أمي الملكة (خلاص صارت أمي)
وخمخمة ولملمه اللي يجهلها يقول صدز أني بنتها ومن سنة طشي وأمطري ماشافتني
والله ياهالبريطانين عندهم حنان بزود ليت من أخذ منها كيلو ويكزه لأبوي ( مع أني للحين ماأكتشفت وش سويت له)
قلت لها : ممكن دورة المياة لأن الكابتن ماوقف أبد في أي محطة
قالت:خلاص بأتخذ الأجراء اللازم معاه
رحت مع حدا بناتها ( كنت أحسب أنها بنتها وأثرها الخدامه)
ولما دخلت الحمام وأنتم بالكرامة ومير تجي تدخل معي
قلت لها خير؟؟
ماردت علي
قلت لها: اللحين من صغر حمامكم كان حطيتوا بدال هالحمام اللي كبر
قريح عشر حمامات بدال ماتتزاحمون على حمام واحد
<-----------فاهمه غلط الأخت
ولما شفتها مصممة تدخل معي قلت: مير حسدً لتس مانيب داخله الحمام

ودتني لغرفتي أأأأأأأأأأأأأأأأأأههههههه هأأأأأأأأأأأأأأأأأأأأأي <--------شهقه
وش ذيك الغرفة من قال غرفة قولوا ديرة شوي وتصير البحرين
تصدقون فيها مسبح أكبر من البرتسه اللي في مزرعة عمي
وألا دولاب الثياب لعنبوا أبليسهم مب دولاب قولوا صحارى والمملكة والفيصليه كلهن متجمعات بذاك الدولاب
ومن الفرحة قمت أنفش بذيك الخلاقين والمقاطع (جمع مقطع أي فستان بمصطلح جدة أمي )
ومير تجي النشبه اللي قبل شوي الخدامه
قالت: أرتاحي سيدتي علشان تقابلين أمتس
أنا سمعت سيدتي من هنا ويرتفع رأسي عن ألأرض ويصقع بالسما
وشمخت بكل كبرياء وقلت لها :
قولي لها مب فاضيه <-------أجل هي أمتس اللي أنتي خابرة
قالت: الملكة أمتس تبي تكحل عيونها بشوفتس
قلت: لافضيت أجي عاد لاتطولينها أذلفي
ماذلفت
قالت: أنا ياسيدتي ماأطلع من غرفتس عديني مب موجودة خوذي راحتس
أنا: والله مابقي ألا هي
زعلت ورحت وخمدت بفراشي ولما قمت لقيتها فوق رأسي ومولمتن لي الحمام تروشت ولبست ذاك الثوب المكنفش
قلت: ليه حنا معزومين على عرس
قالت: لا بس هذي هي التقاليد الملكيه
أنا: والله وناسه (مب أبوي أموت ماعطني أفصل ثياب للعروس)
قلت : وير أز أمي <--------بديت أتعلم أنقلش
قالت: تحتريتس في البهو على التي فايف كلوك
(أنا سكت قلت أخاف أسألها وش ذا تقول وش هالسبهه)
مشينا العصر وماوصلنا عند أمي ألا المسيان
والله ياهي مسافة بين غرفتي وبين البهو
تدرون وشو التي فايف كلوك
شاهي عقب العصر مثلنا بس الفرق بيننا
أنهم يغمسون فيه بسكوت وحنا نلب معه كراث


دارت الأيام وتعلقت فيني أمي الملكة
وصرت أتحكم على كيفي وأدبر وأعبر بالقصر
حتى أبوي فيليب ماعطيته وجه لأن أمي أصلاً مزلبته
في يوم كنت أتغدى وكان فيها خادمة فوق رأسي ومير أعطيها قطعة خبزة
قالت أمي :ليه
قلت: علشان ماتنظلني
قالت: هذي شغلتها تخدمتس حبيبتي
ومير أتسلط كل شوي أطيح ملعقة وألا سكين وألاشوكة وأخليها تجيب غيرها
وفي المرة الأخيرة جت خادمه غيرها قلت وين ذيك
قلت : أنتحرت ياسيدتي (قالتها وهي ترتجف مدري ليه)
المهم من جيتي للقصر وهي كاثرةً عندهم
سالفة الأنتحارات والجلطات وأرتفاع نسبة الأستقالات
وأذا حققوا مع الأحياء منهم قالوا أنه أنا السبب (مدري وش أنا مسويه لهم)

http://www.arabiyat.com/sept2001/images_sept/crown6.jpg


هذا التاج حق أمي أكشخ فيه أذا رحت ألعب كيرم مع ألاميرات

http://www.arabiyat.com/sept2001/images_sept/crown7.JPG

هذي الماسه أهداني أياها أحد حكام العرب
مع أني كانت مخيسه في بيت أهلي مااحد عطاني شيء

في مرة كان عند أمي حفلة وعازمةً كبار شخصيات العالم طبعاً اللي كانوا ذو شأن مثل قربةً ماتشوف (جورباتشوف )
وبيل كلينتون وطقتهم لأني أكتشفت أن الدبرة كلها بيد توني بلير
وألا أميمتي مالها داعي أبد بالحكم ماغير طاقتن هالتاج وبس
قعدنا على مائدة الأحتفال <------
ومير يقعد بجنبي بيل كلينتون
نغزت أمي وعلمتها أني بغير مكاني لأن بيل كلينتون مغازلجي
قالت: عيب تخربين البرتوكول
تسلط علي بيل ماغير يناظرن
جريت كم أمي وعلمتها قالت : همن عاد خليه يناظر
أنا ماعجبني الوضع ومير أقعد أتحين فرصة قومته من مكانه
ولما قام يقول كلمته
سحبت الكرسي ولما جاء يقعد لبط بالأرض لبطة تستاهل عيونكم
تفشل الرجال وصار وجهه ألوان
قامت زوجته هيلاري وسحبته وخزتني بنظرة قويه
ومير أمد عصقولي وأخطرف لها أمي بذيك اللحظة أعتذرت للجمهور بأني تعبانه ولازم أروح أرقد
مع أني ماابي ألا العافيه
مدري ليه صرفتني

مرة جيت بطلع ولبست بنطلون وبلوزة وقلت لأمي : سواق ماأبي
ودي أخذ راحتي وادوج بكيفي
قالت : براحتس بس غيري لبستس وش بيقولون عني الشعب ماعرفت أربي بنتي
قلت: اللحين المزلط حلال والبنطلون عندكم حرام
قالت: ياتلبسين فستان والأ مافيه طلعة
رحت ولبست أهم شيء أطلع من هالقصر مليت (أيه هين

http://www.lili.cc/shiji/newmoon/moongirl.jpg

وماأمدني أصك الباب ألا واحد راكبً جنبي ومير أتصه مع رقبته
وأقعد أصارخ : الحقوااااااااااااا أيام أكدنابت <------يعني أختطفت
(تبطون يالقراو ماعندكم لغات)
نزلت من السيارة ومير أتله معي
جت أمي مدبتسه :اسم الله عليتس وش بتس
وتناظر فيني وتناظر في الرجال اللي بيدي وأيلاه متناطقتن عيونه ومير أطلقه
قالت: وش صار
قلت: شفتي ذا اللي كان عايش قبل شوي كان بيخطفني
قالت: هذا البودي قارد اللي يحرسك ليه موتيه
قلت: ياسفابه طيب هاتي لي ثاني
قالت: عقاب لتس أطلعي بلحالتس
أمي ترا زعلت علشان طلعتها من البيت بدون قبعة وشنطه
عاد أنا فرحت علشان أسعسق بشوارع لندن بلحالي
رحت لسيارتي وفي طريقي مريت ووطيت خشة البودي قارد


قعدت أسوع بشوارع لندن وأتفرج وسرقني الوقت وأظلمت العين وأنا مالقيت أبو ريالين
وماحسيت بنفسي ألا وأنا بشارعً ظلما وجدرانه مشخبط عليه
ذكريات أبو عرب
ياروحي يابشير حمد شنان(غريبه هالبنشر حتى بلندن مشهور)
الهلال بطل الأبطال والنصربصل الأبصال
ذكريات التمساح الأطخم <-----مدري وش موديه لندن
قحطه ألى الماصله يالماصل <---ماأعرفه بس دايم ألاقي أسمه بآخر مشاركة بالماصله
رادينك رادينك ياهجمه والله لو تصير فاول
ذكريات مهأجر أيام العز وأكل الرز (تراه كاتبها ذاكرت بس أنا صححتها)
أبو جبهه وآخر صيحات قصات الشعر <----تبطي ياأبو صلاهيم

ومن هالخراميط اللي أنتم خابرين
وأثري بشارع كله سعوديين
مسكت واحد من اللي يمشون أشهبً ألهب وقلت: وين حنا بلندن وألا بشوارع منفوحه
قال: أقول تراي مب فاضي لتس
(مع أنه كان قاعد يشرب قهوة ويلعب ورقه بس مدري وش سويت له)


دقت علي أمي موبايل وقالت تعالي أسرع من البرق ملكة أسبانيا تبي تشوفتس
قلت: وشوله
قالت: تبي تأخذ موديل وجهتس
قلت: من حينها ماعندها ذوق
قالت: أقول تلايطي ولايكثر <-----تخيلوا اليزابيث تقول تلايطي


جغ .........جغ..........جغغن .....جغـــــــــــن
مافيه أمل عيت تشتغل السيارة
قضى البنزين ومامعي قروش (أميرة ماأشيل معاي قروش)
مر من عندي واحد قلت له: ممكن خدمة
قال: أمري تدللي عمري كله لتس
أنا: ممكن تدف معي السيارة لأقرب محطة
قال: معصي دفيها أنتي أشتغل عند أبوتس أنا
(زعل لأنه عطاني الرقم وماأخذته) <-----عاد باللهي وش سويت له أنا
نزلت أدف وخمعت ذيك الخمعة وطحت بوسط الطين
وتوسخت ثيابي وقبت شويشتي
ورحت لقصرنا على رجولي ودخلت على أمي ولما شافتني أنصرعت وأغمي عليها ولما فاقت سألتها ملكة أسبانيا: أيش المخلوق هذا ؟؟
قالت: هذي جيني جايه من حفلة تنكريه (ترا أسمي صار جيني)

أنهبلت على ملكة أسبانيا وقالت أن عندي أفكار وبنت شقيه
جرتني أمي وقالت روحي تلبسي وتعالي
فشلتيني عند الحورمه وولدها <---------ذي اللي ينقال عنها حووورمه يانواف مب حنا
أنا: فيليب ذاك السلاله ماغيره
قالت: ايه
قلت: بروح ألبس كل أبو ثيابي
قالت: لا البسي ثوبً واحد
رحت ولبست ثوبً مزلط ماله كموم يقولون أمي مولمته لي



لبست ثوبي ولبست تحته بلوزة أم رقبة (هاي نك للقراو)
أجل أقعد عند واحد مب محرمً لي وأنا ثوبي ماله كموم حتى لو هو موضوع وبالأقلاع ولو
وبعدين هو جاي يخطبني أخاف يأخذ عني فكرة غلط
ولما وصلت البهو ألا ويفز فيليب من كرسيه ويمسط على خشيشته (معذور شاف الزين كله)
سلمت عليه ومير يجر أيدي يبي يقبلها
قلت: أيا الداشر ... سحبت أيدي من أيده
وأمي ماغير تحمر وتصفر وتطقق في أصابعها مدري ليه

قالت أمي: جيني ممكن تورين فيليب الحديقه ..
أنا: بلحالي
قالت: أيه أجل تبين جمهور يروح معتس
أنا: أستحي
قالت: قومي


جاء يبي يمسك أيدي
قلت: معصي وش قالوا لك عمياء أنا حتى تدلني
<-------رومانسيه
رحت معه نتمشى وأوريه الحديقة بس ماأعرف أنواع شجرهم
قلت هو وش بيدريه خربطي عليه وبس
المهم بديت أشرح له شف ذي سكريه وذيك برحيه وذيك القصيا شقرا وذا لوباء
وأخونا مطيرن عيونه يماااااااااال البلش
وأنا من الفشيله ماأهنا هرجةً ماقلتها
ويوم الله فتح عليه سألني: النباتات ذي معدلة وراثياً ؟؟
قلت: أيه كل أبو بريطانيا وارثتها أمي مب بس هالحديقه يالدلخ
قال: أنتي بأي جامعة درستي ؟؟
تبلعمت وش أقول له خريجة سادس أبتدائي وبالدفدفه بعد
قال: درستي في جامعةكمبردج وألا السربون ؟؟
أنا : السربوت جابته أمك
مابقي يقول بعد ألا وش نوع الدخان اللي تشربين
يماااااااااال الجدري حتى السربته عندهم لها جامعة
قال: فستانك حلو <---------يمديكم على الذوق يالعرابجه
قلت: جاز لك
قال: أنا أسمع أكثر شيء الأوبرا وأغاني البوب .....
قلت: بس الفروة تدفي أكثر من بشت الوبر
قال: أكثر شيء عجبني فيك أنك مرقعه يعني كل شيء فيكي له لون
الوجه لون والرقبة لون مب مثل حريمنا لون واحد
وياليت نكون : مي أند يو فور آفر
قلت: بس يقولون أن فير أند لفلي يبيض أكثر
قام الأخ ومعط وردة من ورد أمي وعطاني أياها وقال :فور يو
قلت: أيه هين تبي تلزقها فيني
واطير أدبتس يم أمي دن ..دن ..دن ..دن ..دن ..دن (هذا ركضي مثل الموسيقى علشاني أميرة)
علمت أمي بالسالفه ومير تطردهم من بيتنا فرحت أنا لأن فيليب
ماجاز لي شكله يتتن


بعد أيام جت سكرتيرة أمي تقول أمتس تبيتس
دن ..ددن ..دنن..دنانا..دنني(نغمة ثانيه من ركضي)
وصلت لأمي قالت:شوفي فيه خطاطيب جايين من كل دول العالم
بيخطبونتس (مدري ليه تبي تصرفني هالعجوز مع أني ماسويت لها شيء)
قلت: يمه ماأبي أتزوج ودي أتهنى بلقب سمو الأميرة
قالت: يابنيتي هذا شرً لابد منه شوفين ملكة ومعرسة
ومانيب مزوجتس ألا بأختيارتس
جاء أول واحد وايلاه أبرص
قلت: يمه أنا وش سويت لك تزوجيني أبرص
لعنبو أبوتس ذا من بياضه ماله عيون
قالت: هذا ولد دوق
قلت: بعد ولد تسلاب
ماأبيه جيبي غيره

جاء الثاني :يمه ورى ذا شوشته حمرا
قالت: ذا فرنسي أصلي يالدبشه
قلت: ولو ماأبيه بقعد أحني فشوشته علشان مايصير تقليد
جاء الثالث: يمه ليه جايبين مصارع ؟؟
قالت: غيرعليتس ذا ألماني
أنا: ألماني ،، كوري،، صيني ،، هندي ماأبي ماأبي

في تلك اللحظات دخل المترجم العربي الجديد بيقدم أوراقه للملكة
معصقل عيونه غايصه ورقبته بين كتوفه تقل برميل غاز
وسنيناته طافحه وأذيناته شاتره ولونه متدغمل ماتدري هو قمحي
وألا حنطي (نفسي أعرف الفرق بين اللونين)

أنا:
يمه أبي ذا
قالت أمي : بس ذا دمائه حمرا وأنتي دمائتس زرقاء
قلت: جيبوا سكين بقص رقبتي علشان تشوف أمي دمي أنه حمر (ماش حبيته بقص رقبتي علشانه)
قالت أمي: خلاص باتسرا العرس بس تراه جحاده ماأحد يدري به
قلت: يعني مافيه طق وزفه ونقل على الهواء مباشرة


قالت: لاااااااااا فيه طيارة باتسرا بالليل بتطير للسعوديه بتذلف بتس أنتي وأياه
قلت: ليه أنا مسويه جريمه ؟؟؟؟
قالت: لا بس هالبليه اللي بتأخذين بصراحه مايواجه
قلت: عاد من زينتس يالمتعرفطه
<-------------شانت الأخلاق
قالت: أحمدي ربتس وألا ترا بهون
قلت: لا خلاص الشور شورتس يمه



كبعت عبيتي ومسكت أيد زوجي وركبنا الطيارة علشان نرد لديرتنا الله لايخلينا
وبالطيارة ألتفت على زوجي وقال: ترا بنسكن مع أهلي
أنا: سم
هو: مافيه طلعات وسفريات
أنا: سم
هو:مافيه ودني أهلي ودني سوق
أنا: سم
هو:ترا سيارتي ددسن وماعندي أدنى أستعداد أغيرها
أنا: براحتك حبيبي لو تبيني أمشي على رجولي ماعندي مانع

وبذيك اللحظه مرت المضيفة ومير يضحك لها
أنا: ليه تضحك لها وأنا بس معصب علي (مدري أيش سويت له)
هو: تبطين تصيرين زيها
(بصراحه حسيت أنه بيطفرني ويخليني أهج بس يبطي عارفتن له أنا )
وصلنا الرياض ومير أفتح نقابي علشان أنزل من الطيارة ومير يدبجن
زوجي واتكرفس من أول درجة لين آخر درجة ومير يجي زوجي يدبتس
فرحت قلت أكيد خايفً علي
وقمت أتحراه يقول لي حمدلله على سلامتك ياعيوني
وألا عسى ماجاتس شيء
وألا ليتني الدرجه اللي وطيتي
والأ فيني ولافيتس <--------------ذي بعيدة

تدرون وش قال ؟؟؟؟؟؟؟؟؟؟؟؟؟؟؟؟؟؟؟؟؟؟؟
قال: ألا على فكرة فتح نقاب وتطليع عيون مافيه
أنااااااااا: سم طال عمرك
<---------------غصبً عليتس مب بكيفتس


عسى ماطولت عليكم



بس نسيت منقووووووووووول مو ملطووووووش شلون تجي مادري

المهم

جروح

يابت ياجروح ايع داه كلووووووووووه

هو أنتى بتلطوشي يابت

متسيبي الحركتات هييييييه

وتيقي عندى أعلمك الصرقعة على أصولها

قصتن حلوة

ومير أقارها

وشوى ولا أنا مدرى وين انا فيه

هو أنا بفرنسا ولا

بموريتانيا

وصي يوووووووووووووونشوفتس فى تأليفتس ياقمرؤ|143|

تسلمين ياوخيتي

بس والله زعلتيني ياويختي ماغير تقولي علي بت وانا والله ياويختي شنبي كل شوي اشر الهدوم عليه

ايه ايه ياوخيتي والله لو ماوجس بركبي يوجعني تسان رديت عليك

نشوفتس في قصتن ثانيه

مو صيوو ... ليسن مي خخخخخخخخخخ

جروح

[ALIGN=CENTER]احلىىىىى




ليتن بدالها والله غير اسوي علوم وسوالف


اجل يجي فيليب وارده



معصيييييييييي






ومالقت غير خبل قريح تعجب فيه وتحبه


اخ بس مالت علينا مايعجبنا غير تماسيحنا



عووووووووووووووووووووووع




الجروح والله ماينعرف لك بنت او ولد
ههههههههههههههههههههههههه ههههههههه


يسلمووووووو على هالموضوع



صي يووووو


|4|[/ALIGN]

اول مرحبا وغلا
وثانيا فاقد ردودك ماشاوفك وينك
وثالثا انا ولد

ورابعا

أنا رضيت الجرح خيره وشره ... بعض الجروح بها الزمن ترفع الراس
بأهديك قلب صار غلاك مقره ... مليت توزيع المشاعــر على الناس