شعري صار كأني عاملة كيراتين ! و طول بأسبوعين لتحت الظهر..بتعرفون السر ؟ تفضلوا ..!!
السلام عليكم و رحمة الله !
من صغري كان شعري اسم الله طويل و كثيف ! طبعا كلو بفضل الماما الله يسعدها ..كانت دايما بتعملي خلطات و كدا على شعري ..! صار شعري الكل حاسدني عليه
جات فترة - بعد حفل تخرجي من الثانوي- تساقط شعري و انحت نحت و الله ما ابالغ :eh_s(16):
حتى مرة لما كانت الوالدة تمشط لي شعري صرخت قالت ايش دا !! دا مو شعر بنتي اللي اعرفو !! :(
كان يتساقط بشكل مخييييف و اتخشن !! *__*
بعدها قلت لازم اعمل care للشعر !! و الله يا بنات الآن رجع مثل اول و احسن الحمدلله !! طبعا انا بديت من نوفمبر ألين دحين النتيجة بانت من اسبوعين !!
ماشاء الله طول شعري ألين أسفل الظهر + نعووووومة + التساقط خف بشكل ملحوووظ + القشرة طبعا راحت بشكل نهائي !
طبعا انا استخدم خلطتين و احطهم لمدة 3 ساعات
الخلطةالاولى : تنعم الشعر كأنك عاملة كيراتين !
زبادي
ليمون >>>> ينضف الفروة من القشرة تماما لأنو معروف الليمون حامض و حار !
مايونيز
زيت زيتون اصلي >>>> الافضل يكون تركي ! ريحتو تجنن و طعمو كأنك تاكلين زيتون ! يعني ناتشرال 100%
زيت جوز الهند اصلي من العطار يجي كدا قوامه كريمية !
بيضة ! >>> مهمة مهمة مهمة !!
أخلطيهم مع بعض ع النار و اتركيهم يدفئون شوية ..بعدين حطيهم على شعرك و هو دافي عشان ينشط الفروة !! و اربطي شعرك بربطة الشعر الخاصة !! و اتركيهم 3 ساعات ..
الخلطة التــانية : تطول الشعر بشكل ملحوووظ و بأسرع مدة زمنية
زيت دابر املا الاصلي !>>> اللي له رييحة ! :p
زيت زيتون
زيت جوز الهند
أخلطيهم مع بعض و حطيهم على شعرك لأطول مدة ممكنة !! انا احطهم لمدة 4 ساعات و اتروش
و الله يا بنات اني ما ابالغ ماشاء الله شعري مرة تحسن و نعووومة مو طبيعية !! عنجد اول كنت بعمل كيراتين بس بطلت !! ماشاء الله ما يحتاج صار يجنن !
نصايح لازم تلتزمو بيها :
1- استخدمي كريم دابر املا الجديد اللي يعالج الشعر ! افركيه في فروة الراس و في اطراف الشعر !
2- لاااااا تمشطينو و هوا مبلول !! و لا تجفيفينو بالمجفف ! اتركيه ينشف طبيعي
3- قصي اطراف شعرك كل اسبوع عشان يطول بسرعة !! معروفة دي الطريقة تطول الشعر و تخفف من تساقطه !
4- لما تخلصي من تمشيط شعرك بعد الشاور لفيه كعكة و البسي ربطه عريضة لكل شعرك و اتركيه كدا ساعة عشان ما يكوش عليك و عشان يطريه !! هاذي الطريقة تعلمتها من ستي الله يحفظها !
و بس !! حبيت اني افيدكم و ان شاء الله استفدتو !! :eh_s(7):
تحياتي : miss Iu
