جرح...

اغنام - ابل - دواجن - طيور

أحبك طفل ٍ أعمى ماسكٍ بثوبك يخاف يضيع
وأحبك شايب ٍ قرب يموت بغيبة عياله

وأحبك نظرة عيون ٍ غزتها حسّرة التوديع
وأحبك وردة ٍ ماتت ولا جا اللي بتهداله

وأحبك منظر الثلج إن بدا فوق السفوح يميع
كأنه دمعة الحر السنافي بين عذّاله

وأحبك غيم عيّا لأمر نفخات الهبوب يطيع
حلف مايعطي إلا نجد نزف الحب وظلاله

وأحبك ريح تنثرني قصايص مالها تجميع
وأحبك شي في نفس العطر ليديك ماقاله

وأحبك صرخة ٍ فيها سوالف رحلة التلويع
وأحبك عاشق ٍ ماتت حبيبة عمره قباله

وأحبك سر مايخفى ولايمكن بيوم يشيع
وأحبك شمع كله ذاب مايدري من أضواله

وأحبك مجلس أجواد ٍ مشرع بابهم تشريع
والى جامن هجدهم قبل يقعد جاه فنجاله

وأحبك غبنة ام ٍ عقدها ياللأسف مابيع
ولدها صابه اللي خذ قبل حول السنه خاله

وأحبك طفلة ٍ تحبي على صدري وأخاف تضيع
وأحبك شايب ٍ ضمّ وكسر ضلع أصغر عياله.....

مما راق لي