اتمنى ياخذون فرصتهم كاملة ضروري جدا للمنافسة على كل البطولات ان شاء الله

صحيح كاس ولي العهد بطولة مهمة ولكن فيه اولويات علينا الاهتمام فيها اكثر
الفريق مقبل على مرحلة صعبة وضغط مباريات كبير ومرهق وعندنا دكة احتياط اتمنى نستفيد منها وياخذون فرصة بشكل تدريجي اسماء كثيرة ما شاء الله تبارك الله في الدكة منها اللي لعب اساسي في بعض المبارايات ومنها اللي لعب 10 دقايق ومنها اللي ما شفناه نهائيا والحمد لله اكثرهم صغار السن يعني لهم ان شاء الله مستقبل كبير شوفو الاحتياط

عبدالرحيم الجيزاوي أتمنى ما حد يقسو عليه لأنه ما لعب إلا مباريات قليلة حتى مع الأولمبي ما صار يلعب وكلنا نعرف الجيزاوي ومهاراته واخلاقه فأتمنى ندعمه الله يوفقه
ياسر الفهمي الله يحفظه ويوفقه لاعب صغير بس لعبه كبير ما شاء الله
محمد آل فتيل صخرة الدفاع القادمة الله يبعد عنه شر الإصابات والعين
محمد مجرشي صدقوني ما شاء الله تبارك الله لو يعطى فرصة تشوفون امكانياته الرائعة
سلطان الدوسري أتمنى من الإدارة انصاف هذا اللاعب حرام ما ياخذ فرصة إلى اليوم لدرجة نسيت ان اللاعب هذا معنا

أتمنى اللاعبين ذولي ياخذون الفرصة كاملة عشان يدخلون اجواء الدوري والآسيوية والملك وذاك الوقت ان شاء الله ما راح نعاني من الغيابات والارهاق ولا أنسى الراقيين الجدد بلغيث والعيسى